مُحمد دے در دی پھبن الله الله
فدا جس توں باغ عدن الله الله
Mohammad de dar di phuban Allah Allah
Fida jis ton bagh Adan Allah Allah
میرے سوہنے منٹھار دا پاک روضہ
رہوے ٹھار دا سب دے مَن اللہ اللہ
Mere sohne Manthar da Pak Roza
Rhawe thar da sub de Man Allah Allah
میری اکھ چوں انج کرن اشکاں دے موتی
جاں سُورج چوں نکلے کرن الله الله
Meri akh chon inj karn ashkan de moti
Jaan sooraj chon nikle karn Allah Allah
نظر زائراں دی جاں روضے تے پیندی
صلوتاں پڑھن تے کرن اللہ اللہ
Nazar zaairan di jaan roze te paindi
Salwaan parhan te karn Allah Allah
صدا یارسول اللہ دی آرہی اے
تے ہے انجمن انجمن الله الله
Sada Ya Rasul Allah di aa rahi ae
Te hai anjuman anjuman Allah Allah
غبارِ مدینہ نوں چہرے تے ملدے
مدینے چ سیمیں بدن الله الله
Gubaar-e-Madina nu chehray te malde
Madine ch seemian badan Allah Allah
گنہگار اک ہاں تے صائم کرن گے
شفاعت میری پنجتن الله الله
Gunahgar ik han te Saaim karn ge
Shafaat meri Panjtan Allah Allah
Share This Naat
Share with friends and family
مُحمد دے در دی پھبن الله الله
علامہ صائم چشتی