وہ دن بھی آئیں گے، ہوگی بسر مدینے میں
ہمارے گزریں گے شام و سحر مدینے میں
Woh din bhi aayenge, hogi basar Madine mein
Hamare guzrenge shaam o sehar Madine mein
دُعائے دل کے لیے ہے اثر مدینے میں
ہمارے درد کا ہے چارہ گر مدینے میں
Duaye dil ke liye hai asar Madine mein
Hamare dard ka hai chara gar Madine mein
نہیں کہاں پہ خدا و رسولؐ کے جلوے
اِدھر تو مکّے میں ہیں اور اُدھر مدینے میں
Nahi kahan pe Khuda o Rasoolؐ ke jalwe
Idhar to makke mein hain aur udhar Madine mein
کھُلے نصیب ہمارا بھی مثلِ بادِ صبا
رسائی روز ہو وقتِ سحر مدینے میں
Khule naseeb hamara bhi misl e baad e saba
Rasai roz ho waqt e sehar Madine mein
کسی دیار کی جانب بس اب نہ اُٹّھے گی
ٹھہر گئی ہے ہماری نظر مدینے میں
Kisi diyar ki janib bas ab na utterh gi
Thehar gayi hai hamari nazar Madine mein
درِ رسولؐ پہ جاؤں، وہیں کا ہو جاؤں
یہ چاہتا ہُوں، رہوں عُمر بھر مدینے میں
Dar e Rasoolؐ pe jaoon, wahi ka ho jaoon
Yeh chahta hoon, rahoon umr bhar Madine mein
دل و نگاہ میں اب تک ہے ایک کیف و سُرور
سُکون کے تھے وہ آٹھوں پَہَر مدینے میں
Dil o nigah mein ab tak hai aik kaif o suroor
Sukoon ke the woh athon pahar Madine mein
یہ آرزو تھی کہ یُوں زندگی بسر کرتے
شب اپنی مکّہ میں ہوتی، سحر مدینے میں
Yeh aarzu thi ke yun zindagi basar karte
Shab apni makka mein hoti, sehar Madine mein
مُحب، حبیبؐ سے ہرگز جدا نہیں ہوتا
خدائے پاک ہے خود جلوہ گر مدینے میں
Muhib, Habeebؐ se hargiz juda nahi hota
Khuda e pak hai khud jalwa gar Madine mein
نصیرؔ! نقشِ کفِ پائے مصطفٰےؐ کے سبب
تمام ذرّے ہیں لعل و گُہَر مدینے میں
Naseerؔ! naqsh e kaf e pae Mustafaؐ ke sabab
Tamam zarre hain laal o guharr Madine mein
Share This Naat
Share with friends and family
وہ دن بھی آئیں گے، ہوگی بسر مدینے میں
سید نصیرالدیں نصیر