جبیں کو شاہ کے در کا نیاز مند کیا
عروج اپنے مقدر کا چار چند کیا
Jabeen ko Shah ke dar ka niyaaz mand kya
Arooj apne muqaddar ka chaar chand kya
سجا ہے آنکھ کی پتلی میں رخِ شاہِ زمن
شبیہِ نور نے پانی کا گھر پسند کیا
Saja hai aankh ki putli mein rukhe Shahe Zaman
Shabih e Noor ne paani ka ghar pasand kya
لبوں نے اسمِ کرم کے لیے کئی بوسے
لبوں نے آج کئی بار نوش قند کیا
Labon ne ism e karam ke liye kai bose
Labon ne aaj kai baar nosh qand kya
خدا نے نعت میں رکھ کر حروف کی قسمت
حروفِ عجز کو آمادۂ زقند کیا
Khuda ne naat mein rakh kar huroof ki qismat
Huroof e ajz ko aamadah e zaqand kya
برائے نعت ستارے سمیٹنے کے لئے
ہنر کو شوق، رگِ جان کو کمند کیا
Baraye naat sitaare samaitne ke liye
Hunar ko shauq, ragh e jaan ko kamand kya
لگائی آنکھوں سے تصویر سبز گنبد کی
سرُورِ ہجرِ مدینہ کو وصل مند کیا
Lagayi aankhon se tasveer sabz gunbad ki
Suroor e hijr e Madina ko wasal mand kya
لگا کے راہِ مدینہ پہ اپنی سوچوں کو
شعارِ فکر کو اشفاق سر بلند کیا
Laga ke raah e Madina pe apni sochon ko
Shiaar e fikr ko Ashfaq sar buland kya
Share This Naat
Share with friends and family
جبیں کو شاہ کے در کا نیاز مند کیا
اشفاق احمد غوری