جانبِ مغرب وہ چمکا آفتاب
بھیک کا مشرق سے نکلا آفتاب
Janib-e-Maghrib wo chamka aftaab
Bheek ka mashriq se nikla aftaab
جلوہ فرما ہو جو میرا آفتاب
ذَرَّہ ذَرَّہ سے ہو پیدا آفتاب
Jalwa farma ho jo mera aftaab
Zarra zarra se ho paida aftaab
عارضِ پرنور کا صاف آئینہ
جلوۂ حق کا چمکتا آفتاب
Aariz-e-Purnoor ka saaf aaina
Jalwa-e-Haq ka chamakta aftaab
یہ تجلی گاہِ ذاتِ بحت ہے
زُلف اَنور ہے شب آسا آفتاب
Yeh tajalli gah-e-Zaat-e-Baht hai
Zulf-e-Anwar hai shab asa aftaab
دیکھنے والوں کے دل ٹھنڈے کیے
عارِضِ اَنور ہے ٹھنڈا آفتاب
Dekhnay walon ke dil thanday kiye
Aariz-e-Anwar hai thanda aftaab
ہے شبِ دیجورِ طیبہ نور سے
ہم سیہ کاروں کا کالا آفتاب
Hai shab-e-Dejoor-e-Taybah noor se
Hum siyah karon ka kala aftaab
بخت چمکا دے اگر شانِ جمال
ہو مری آنکھوں کا تارا آفتاب
Bakht chamka de agar shaan-e-Jamal
Ho meri aankhon ka tara aftaab
نور کے سانچے میں ڈھالا ہے تجھے
کیوں تِرے جلوؤں کا ڈھلتا آفتاب
Noor ke sanche mein dhaala hai tujhe
Kyun tere jalwoon ka dhalta aftaab
ناخدائی سے نکالا آپ نے
چشمۂ مغرب سے ڈوبا آفتاب
Na khudai se nikala aap ne
Chashma-e-Maghrib se dooba aftaab
ذَرَّہ کی تابش ہے ان کی راہ میں
یا ہوا ہے گر کے ٹھنڈا آفتاب
Zarra ki tabish hai un ki raah mein
Ya hua hai gir ke thanda aftaab
گرمیوں پر ہے وہ حسن بے زَوال
ڈھونڈتا پھرتا ہے سایہ آفتاب
Garmiyon par hai wo husn be zawaal
Dhoondhta phirta hai saaya aftaab
ان کے دَر کے ذَرَّہ سے کہتا ہے مہر
ہے تمہارے دَر کا ذَرَّہ آفتاب
Un ke dar ke zarra se kahta hai mehr
Hai tumhare dar ka zarra aftaab
شامِ طیبہ کی تجلی دیکھ کر
ہو تری تابش کا تڑکا آفتاب
Shaam-e-Taybah ki tajalli dekh kar
Ho teri tabbesh ka tarka aftaab
رُوئے مولیٰ سے اگر اُٹھتا نقاب
چرخ کھا کر غش میں گرتا آفتاب
Ro-e-Moula se agar uthta niqab
Charkh kha kar ghash mein girta aftaab
کہہ رہی ہے صبحِ مولد کی ضیا
آج اندھیرے سے ہے نکلا آفتاب
Keh rahi hai subh-e-Mawlad ki diya
Aaj andheray se hai nikla aftaab
وہ اگر دیں نکہت و طلعت کی بھیک
ذَرَّہ ذَرَّہ ہو مہکتا آفتاب
Wo agar deen nakhat o tal'at ki bheek
Zarra zarra ho mehkta aftaab
تلوے اور تلوے کے جلوے
پر نثار پیارا پیارا نور پیارا آفتاب
Talway aur talway ke jalway
Par nisaar piara piara noor piara aftaab
اے خدا ہم ذَرّوں کے بھی دن پھریں
جلوہ فرما ہو ہمارا آفتاب
Ae Khuda hum zarron ke bhi din phirain
Jalwa farma ho hamara aftaab
ان کے ذَرَّہ کے نہ سر چڑھ حشر میں
دیکھ اب بھی ہے سویرا آفتاب
Unke zarra ke na sar charh hashr mein
Dekh ab bhi hai sawera aftaab
جس سے گزرے اے حسنؔ وہ مہر حسن
اُس گلی کا ہو اندھیرا آفتاب
Jis se guzray Ae Hasan wo mehr husn
Us gali ka ho andhera aftaab
Share This Naat
Share with friends and family
جانبِ مغرب وہ چمکا آفتاب
حسن رضا خان