جب سے مَیں تیرے عشق میں گُم ہُوں
ایک قطرہ تھا بحرِ قُلزم ہُوں
Jab se main tere ishq mein gum hoon
Ek qatra tha bahr-e-qulzam hoon
نعت کِس کِس مقام تک لائی
پردہ ہُوں ساز ہُوں ترنّم ہُوں
Naat kis kis maqam tak laayi
Parda hoon saaz hoon tarannum hoon
جو مئے عشق سے لبالب ہے
مَیں وہ مینا وہ جام وہ خُم ہُوں
Jo mai-e-ishq se labalab hai
Main woh meena woh jaam woh khum hoon
مُجھ میں شمعِ یقیں فروزاں کر
ورنہ مَیں تو شبِ توھّم ہُوں
Mujh mein shama-e-yaqeen farozan kar
Warna main to shab-e-tawaham hoon
تُجھ سے مُجھ میں توازنِ رفتار
مَیں کہ فطرت میں اِک تلاطم ہُوں
Tujh se mujh mein tawazun-e-raftaar
Main ke fitrat mein ik talatum hoon
اُن کو تُو نے دیا ہے حُسنِ مزاج
جِن عناصر کا میں تصادم ہُوں
Un ko tu ne diya hai husn-e-mizaaj
Jin anasir ka main tasadum hoon
میرے آدابِ گفتگو تری دین
مَیں کہ شیرینئ تکلّمُ ہُوں
Mere adaab-e-guftagu teri deen
Main ke sheerini-e-takallum hoon
میرے نقّاش میرے سیرت ساز
مَیں محبّت بھرا تبسّم ہُوں
Mere naqqash mere seerat saaz
Main mohabbat bhara tabassum hoon
جی اُٹھی تُجھ سے خاکِ مُردہ مِری
مَیں کہ تیرا ترانہء قُم ہُوں
Jee uthi tujh se khaak-e-murda meri
Main ke tera tarana-e-qum hoon
Share This Naat
Share with friends and family
جب سے مَیں تیرے عشق میں گُم ہُوں
عاصی کرنالی