ہونٹوں پہ سجایا ہے درودوں کا لبادہ
رکھتے ہیں مدینے میں حضوری کا ارادہ
HontoN pe sajaa ya hai durodoN ka libaada
Rakhte haiN Madeene meiN hazooree ka iraada
ہم جیسے گداؤں کے لئے کوئے جناں میں
در سرورِ کونین کا رہتا ہے کشادہ
Hum jaise gadaaoN ke liye koe janaN meiN
Dar sarwar-e-kawnein ka rehta hai kashaada
وہ رفرف و براق نشیں صاحبِ عالم
ہم مفلس و نادار غریب اور پیادہ
Wo rafraf o baraaq nasheeN saahib-e-aalam
Hum muflis o naadaar ghareeb aur piyaada
کیا پیش کروں کچھ بھی نہیں آپ کے لائق
توصیف کے کچھ حرف ہیں بے مایہ و سادہ
Kya paish karuN kuch bhi nahiN aap ke laayiq
Tauseef ke kuch harf haiN be maaya o saada
ہم حشر کے دن ڈھونڈنے والوں کو ملیں گے
دل اور جبیں شاہ کی چوکھٹ پہ نہادہ
Hum hashr ke din dhoondne waaloN ko mileN ge
Dil aur jabeeN shaah ki chaukhat pe nahaada
روتے تھے تواتر سے تہجد میں ، حرا میں
مقصد تھا فقط امتِ عاصی کو افادہ
Rote the towaatar se tahajud meiN, Hira meiN
Maqsad tha faqat ummat-e-aasi ko afaada
ہم لائقِ دیدارِ محمد نہیں لیکن
اشفاق ہمیں رہتی ہے امید زیادہ
Hum laayiq-e-deedaar-e-Muhammad nahiN lekin
Ashfaq humeiN rehti hai umeeid zyada
Share This Naat
Share with friends and family
ہونٹوں پہ سجایا ہے درودوں کا لبادہ
اشفاق احمد غوری