اِس شان سے ہو کاش تماشائے مدینہ
جس سمت نظر جائے ‘ نظر آئے مدینہ
Is shan se ho kash tamashaye Madina
Jis simt nazar jaye, nazar aaye Madina
سودا ہو اگر سر میں تو سودائے مدینہ
ہو دل میں تمنّا تو تمنّائے مدینہ
Sauda ho agar sar me to saudaye Madina
Ho dil me tamanna to tamannaye Madina
ہر وقت تصوّر میں مدینے کی فضا ہو
اس طرح مرے دل میں سما جائے مدینہ
Har waqt tasawwur me Madine ki fiza ho
Is tarah mere dil me sama jaye Madina
ہر خار مدینے کا گلِ تر سے حَسیں تر
اور غیرتِ فردوس ہے صحرائے مدینہ
Har khar Madine ka gul-e-tar se haseen tar
Aur gheirat-e-Firdaus hai sahraye Madina
ہے شافع محشر کا کرم اس کا مقدّر
اللہ رے خوش بختئ شیدائے مدینہ
Hai shafi-e-mahshar ka karam us ka muqaddar
Allah re khush bakhti-e-shedaye Madina
تخلیق دو عالم کا سبب ذات ہے ان کی
شاہنشہء کونین ہیں آقائے مدینہ
Takhleeq do 'alam ka sabab zaat hai unki
Shahanshah-e-konain hain aaqaye Madina
خاکِ قدم پاک نبیﷺ خاکِ شفا ہے
ہر دَرد کا درماں ہیں مسیحائے مدینہ
Khaak-e-qadam paak Nabi (S.A.W) khaak-e-shifa hai
Har dard ka darmann hain Masehaye Madina
وہ کوثر و تسنیم کا محتاج نہیں ہے
ہو جس کو عطا جُرعہ صہبائے مدینہ
Wo Kausar o Tasneem ka mohtaaj nahi hai
Ho jis ko 'ata jur'a sahbaye Madina
یاد آتے ہیں جس وقت مدینے کے شب و روز
اقبؔال پُکار اٹھتا ہوں میں ہائے مدینہ
Yaad aate hain jis waqt Madine ke shab o roz
Iqbal pukar uthta hoon main haye Madina
Share This Naat
Share with friends and family
اِس شان سے ہو کاش تماشائے مدینہ
پروفیسراقبال عظیم