ترستی تھیں ترے دیدار کو نظریں ، زمانے سے
’’عجب رونق سی چھائی ہے ترے محفل میں آنے سے‘‘
Tarasti thin tare didar ko nazrain, zamane se
"Ajaib ronak si chhayi hai taray mehfil mein aane se"
مہکتے ہیں گلی کُوچے ، جدھر سے تُو گزر جائے
ترے جسمِ معطر میں ہیں خوشبُو کے خزانے سے
Mehakhtay hain gali kuche, jidhar se tu guzar jaye
Tare jism-e-muattar mein hain khushbu ke khazane se
گدا ہوتے نہیں ہیں مطمئن شاہوں کی چوکھٹ پر
سبھی کا ہے بھرا کاسہ ترے ہی آستانے سے
Gada hote nahi hain mutmaeen shahoon ki chaukhat par
Sabhi ka hai bhara kasa tare hi aastane se
جو اماں عائشہ کی سوئی کھو جائے اندھیرے میں
تو مل جاتی ہے فوراً ہی تمہارے مسکرانے سے
Jo Amma Ayesha ki sui kho jaye andhere mein
To mil jati hai foran hi tumhare muskurane se
جنابِ مرتضٰی کی جب نمازِ عصر چھوٹی ہو
پلٹ آتا ہے سُورج آپ کے واپس بلانے سے
Janab-e-Murtaza ki jab namaz-e-asar chooti ho
Palat aata hai sooraj aap ke wapas bulane se
گھروں کے بام و در آقا ! جہاں کونُور دیتے ہیں
جو رہتے ہیں سدا روشن تری محفل سجانے سے
Gharon ke baam o dar aaqa! jahan konur dete hain
Jo rahte hain sada roshan tari mehfil sajane se
گھرا ہوں بحرِ عصیاں کی تلاطم خیز موجوں میں
کرم کر دیں مرے آقا ! بچا لیں ڈوب جانے سے
Ghira hoon bahr-e-asyan ki talatum kheiz maujon mein
Karam kar dein mare aaqa! bacha lein doob jane se
کلامِ پاک کی رُو سے منافق ہے، منافق ہے
جو کترائے مرے آقا ! تمہاری سمت آنے سے
Kalam-e-pak ki ro se munafiq hai, munafiq hai
Jo katraye mare aaqa! tumhari simt aane se
زمانہ اپنی پلکوں پر بٹھاتا ہے جلیل اُس کو
جسے نسبت مودّت کی ہے آقا کےگھرانے سے
Zamana apni palkon par bithata hai Jaleel us ko
Jise nisbat modat ki hai aaqa ke gharane se
Share This Naat
Share with friends and family
ترستی تھیں ترے دیدار کو
حافظ عبدالجلیل