کس نے پھر چھیڑ دیا قصہ لیلائے حجاز
دل کے پردوں میں مچلتی ہے تمنائے حجاز
Kis ne phir chhed diya qissa laylaye hijaz
Dil ke pardo mein machalti hai tamnay hijaz
بھر کے دامن میں غریبوں کی دعائیں لے جا
اے نسیم سحر اے بادیہ پیمائے حجاز
Bhar ke daman mein gharibon ki duayein le ja
Ae naseem e sahar ae badiya pemay hijaz
بزم ہستی میں ہے ہنگامہ محشر برپا
اب تو ہو خواب سے بیدار مسیحائے حجاز
Bazm e hasti mein hai hungama e mahsher barpa
Ab to ho khwab se bedaar masiha e hijaz
مئے افرنگ میں باقی نہ رہا کوئی سرور
ہم نے جس دن سے چکھی ہے مئے مینائے حجاز
Mai e afrang mein baqi na raha koi suroor
Hum ne jis din se chakhi hai mai minaye hijaz
دل دیوانہ دعا مانگ وہ دن پھر آئے
وہی ہم ہوں وہی سجدہ صحرائے حجاز
Dil deewana dua mang woh din phir aaye
Wohi hum hon wohi sajda sehra e hijaz
خاک یثرب کے ہر اک ذرہ سے آتی ہے صدا
اختر خاک نشیں ناسیہ فرسائے حجاز
Khaak e yusarb ke har ik zarra se aati hai sada
Akhtar khaak nasheen nasya farasae hijaz
Share This Naat
Share with friends and family
کس نے پھر چھیڑ دیا قصہ لیلائے حجاز
اختر شیرانی