فکر اَسفل ہے مری مرتبہ اَعلٰی تیرا
وَصف کیا خاک لکھے خاک کا پتلا تیرا
Fikr asfal hai meri martaba a'la tera
w'ahsd kya khaak likhe khaak ka putla tera
طور پر ہی نہیں موقوف اُجالا تیرا
کون سے گھر میں نہیں جلوۂ زیبا تیرا
Toor par hi nahi mauqoof ujala tera
Kaun se ghar mein nahi jalwa-e-zeba tera
ہر جگہ ذِکر ہے اے واحد و یکتا تیرا
کون سی بزم میں روشن نہیں اِکّا تیرا
Har jagah zikar hai ae wahid o yekta tera
Kaun se bazm mein roshan nahi iqqa tera
پھر نمایاں جو سر طور ہو جلوہ تیرا
آگ لینے کو چلے عاشق شیدا تیرا
Phir nummaya jo sar toor ho jalwa tera
Aag lene ko chale aashiq sheyda tera
خیرہ کرتا ہے نگاہوں کو اُجالا تیرا
کیجئے کونسی آنکھوں سے نظارہ تیرا
Kheera karta hai nigaahon ko ujala tera
Kijiye kaunsi aankhon se nazara tera
جلوۂ یار نرالا ہے یہ پردہ تیرا
کہ گلے مل کے بھی کھلتا نہیں ملنا تیرا
Jalwa-e-yaar nirala hai ye parda tera
Ke gale mil ke bhi khulta nahi milna tera
کیا خبر ہے کہ علی العرش کے معنی کیا ہیں
کہ ہے عاشق کی طرح عرش بھی جویا تیرا
Kya khabar hai ke 'ali al'arsh ke ma'ni kya hain
Ke hai aashiq ki tarah 'arsh bhi joya tera
اَرِنِی گوئے سر طور سے پوچھے کوئی
کس طرح غش میں گراتا ہے تجلی تیرا
Arini goye sar toor se pooche koi
Kis tarah ghash mein girata hai tajalli tera
پار اُترتا ہے کوئی غرق کوئی ہوتا ہے
کہیں پایاب کہیں جوش میں دریا تیرا
Paar utarta hai koi gharq koi hota hai
Kahin paayaab kahin josh mein darya tera
باغ میں پھول ہوا شمع بنا محفل میں
جوش نیرنگ دَر آغوش ہے جلوہ تیرا
Baagh mein phool hua sham'a bana mehfil mein
Josh nayrang dar aaghosh hai jalwa tera
نئے انداز کی خلوت ہے یہ اے پردہ نشیں
آنکھیں مشتاق رہیں دِل میں ہو جلوہ تیرا
Naye andaaz ki khalwat hai ye ae parda nasheen
Aankhen mushtaaq rahen dil mein ho jalwa tera
شہ نشیں ٹوٹے ہوئے دل کو بنایا اُس نے
آہ اے دیدۂ مشتاق یہ لکھا تیرا
Sheh nasheen toote huye dil ko banaya usne
Aah ae deeda-e-mushtaaq ye likha tera
سات پردوں میں نظر اور نظر میں عالم
کچھ سمجھ میں نہیں آتا یہ معما تیرا
Saat pardo mein nazar aur nazar mein aalam
Kuchh samajh mein nahi aata ye mu'amma tera
طور کا ڈھیر ہوا غش میں پڑے ہیں موسیٰ
کیوں نہ ہو یار کہ جلوہ ہے یہ جلوہ تیرا
Toor ka dheyr hua ghash mein pare hain musa
Kyun na ho yaar ke jalwa hai ye jalwa tera
چار اَضداد کی کس طرح گرہ باندھی ہے
ناخن عقل سے کھلتا نہیں عقدہ تیرا
Chaar azdaad ki kis tarah girah baandhi hai
Naakhun aqal se khulta nahi 'uqda tera
دَشت اَیمن میں مجھے خاک نظر آئے گا
مجھ میں ہو کر نظر آتا نہیں جلوہ تیرا
Dasht ayeman mein mujhe khaak nazar aayega
Mujh mein hokar nazar aata nahi jalwa tera
ہر سَحر نغمۂ مرغانِ نواسنج کا شور
گونجتاہے ترے اَوصاف سے صحرا تیرا
Har sahar naghma-e-murgan-e-nawasanj ka shor
Gunjta hai tere o'saf se sahra tera
وحشیٔ عشق سے کھلتا ہے تو اے پردۂ راز
کچھ نہ کچھ چاک گریباں سے ہے رشتہ تیرا
Wahshiy-e-ishq se khulta hai to ae parda-e-raaz
Kuchh na kuchh chaak garebaan se hai rishta tera
سچ ہے انسان کو کچھ کھو کے ملا کرتا ہے
آپ کو کھو کے تجھے پائے گا جویا تیرا
Sach hai insaan ko kuchh kho ke mila karta hai
Aap ko kho ke tujhe payega joya tera
ہیں تِرے نام سے آبادی و صحرا آباد
شہر میں ذِکر ترا دَشت میں چرچا تیرا
Hain tere naam se abaadi o sahra aabaad
Shehr mein zikar tera dasht mein charcha tera
برقِ دیدار ہی نے تو یہ قیامت توڑی
سب سے ہے اور کسی سے نہیں پردہ تیرا
Barq-e-deedaar hi ne to ye qiyaamat tori
Sab se hai aur kisi se nahi parda tera
آمدِ حشر سے اِک عید ہے مشتاقوں کو
اسی پردہ میں تو ہے جلوۂ زیبا تیرا
Aamad-e-hashr se ik eid hai mushtaqon ko
Isi parda mein to hai jalwa-e-zeba tera
سارے عالم کو تو مشتاقِ تجلی پایا
پوچھنے جائیے اب کس سے ٹھکانا تیرا
Saare aalam ko tu mushtaaq-e-tajalli paya
Poochhne jaiye ab kis se thikana tera
طور پر جلوہ دکھایا ہے تمنائی کو
کون کہتا ہے کہ اَپنوں سے ہے پردہ تیرا
Toor par jalwa dikhaya hai tamannai ko
Kaun kehta hai ke apno se hai parda tera
کام دیتی ہیں یہاں دیکھئے کس کی آنکھیں
دیکھنے کو تو ہے مشتاق زمانہ تیرا
Kaam deti hain yahan dekhiye kis ki aankhen
Dekhne ko to hai mushtaq zamaana tera
میکدہ میں ہے ترانہ تو اَذاں مسجد میں
وَصف ہوتا ہے نئے رنگ سے ہر جا تیرا
Mekada mein hai tarana tu azan masjid mein
W'ahsd hota hai naye rang se har ja tera
چاک ہو جائیں گے دِل جیب و گریباں کس کے
دے نہ چھپنے کی جگہ راز کو پردہ تیرا
Chaak ho jayenge dil jeeb o garebaan kis ke
De na chhupne ki jagah raaz ko parda tera
بے نوا مفلس و محتاج و گدا کون کہ میں
صاحبِ جود و کرم وصف ہے کس کا تیرا
Be-nawa muflis o mohtaaj o gada kaun ke main
Saahib-e-jood o karam w'ahsd hai kis ka tera
آفریں اہل محبت کے دلوں کو اے دوست
ایک کو زے میں لئے بیٹھے ہیں دریا تیرا
Aafreen ahl mohabbat ke dillon ko ae dost
Ek kuze mein liye baithe hain darya tera
اتنی نسبت بھی مجھے دونوں جہاں میں بس ہے
تو مرا مالک و مولیٰ ہے میں بندہ تیرا
Itni nisbat bhi mujhe dono jahan mein bas hai
Tu mera malik o maula hai main banda tera
انگلیاں کانوں میں دے دے کے سنا کرتے ہیں
خلوتِ دِل میں عجب شور ہے برپا تیرا
Ungliyan kaanon mein de de ke suna karte hain
Khalwat-e-dil mein ajab shor hai barpa tera
اب جماتا ہے حسنؔ اُس کی گلی میں بستر
خوبرویوں کا جو محبوب ہے پیارا تیرا
Ab jamaata hai Hasan uski gali mein bistar
Khubrooyon ka jo mehboob hai piara tera
Share This Naat
Share with friends and family
فکر اَسفل ہے مری مرتبہ اَعلٰی تیرا
حسن رضا خان