چودھویں کا چاند ہے رُوئے حبیب
اور ہلالِ عید اَبروئے حبیب
Chodwin ka chand hai rooye Habeeb
Aur hilal-e-eid abrooye Habeeb
جان کو قرباں کروں مثل چکور
خواب میں دیکھوں اگر رُوئے حبیب
Jaan ko qurbaan karun misl chakor
Khawab mein dekhun agar rooye Habeeb
عرض کرنا بے کلی میری صبا
ہو گزر تیرا اگر سوئے حبیب
Arz karna be-kali meri saba
Ho guzar tera agar sooye Habeeb
زاہدو ہے فکر تم کو خلد کی
ہم کو پہنچائے خدا کوئے حبیب
Zahidu hai fikar tum ko khald ki
Hum ko pohnchaye Khuda kooye Habeeb
جو فنا ہیں عشقِ مولیٰ میں اُنہیں
آتی ہے طیبہ سے خوشبوئے حبیب
Jo fana hain ishq-e-Moula mein unhein
Aati hai Taiba se khushboooye Habeeb
وہ مَدینے سے اُٹھی کالی گھٹا
وہ کھلے پرنور گیسوئے حبیب
Woh madine se uthi kaali ghata
Woh khule parnoor gaisooye Habeeb
بار بار آتے تھے جبریل امیں
اس قدر مرغوب تھا کوئے حبیب
Baar baar aate the Jabreel ameen
Is qadar marghoob tha kooye Habeeb
عشق میں پاسِ شریعت ہو ضرور
عاشقو یہ ہے ترازوئے حبیب
Ishq mein paas-e-shariat ho zarur
Ashiqo yeh hai tarazoooye Habeeb
دشمنوں کو ظلم کے بدلے دُعا
میں ترے قربان اے خوئے حبیب
Dushmano ko zulm ke badle duaa
Main tere qurbaan ae khooye Habeeb
اس کو شیروں پر شرف حاصل ہوا
جو بنا ادنیٰ سگ کوئے حبیب
Is ko sheeron par sharaf hasil hua
Jo bana adna sag kooye Habeeb
ڈھونڈتے ہیں سب رضا مندیِ حق
حق تعالیٰ ہے رضا جوئے حبیب
Dhoondhte hain sab razamandi-e-Haq
Haq Ta'ala hai raza joooye Habeeb
سب نظر رکھتے ہیں خالق کی طرف
اور خالق کی نظر سوئے حبیب
Sab nazar rakhte hain Khaaliq ki taraf
Aur Khaaliq ki nazar sooye Habeeb
حضرتِ خالد کا ہے یہ تجرِبہ
جنگ میں کام آتے ہیں موئے حبیب
Hazrat-e-Khalid ka hai yeh tajriba
Jang mein kaam aate hain mooye Habeeb
اپنے اُوپر بار عالم کا لیا
مرحبا اے زَورِ بازوئے حبیب
Apne oopar baar aalam ka liya
Marhaba ae zaur-e-bazooye Habeeb
اے جمیلؔ قادری ہشیار ہو
موت ہے نزدیک چل سوئے حبیب
Ae Jameel Qadri hoshiyar ho
Maut hai nazdeek chal sooye Habeeb
Share This Naat
Share with friends and family
چودھویں کا چاند ہے رُوئے حبیب
جمیل الرحمن قادری