نہ ختم ہو سکی ہمارے دل سے پیار کی کسک ،ابھی تلک
ازل سے انتظار میں جھپک نہیں رہی پلک،ابھی تلک
Na khatam ho saki hamare dil se pyaar ki kasak, abhi talak
Azal se intzaar main jhapak nahi rahi palak, abhi talak
ترس رہا ہے جبلِ ثور آپؐ کے قیامِ مشکِ ناب کو
بسی ہے جبلِ نور پر، حرا میں آپؐ کی مہک،ابھی تلک
Taras raha hai Jabl-e-Saur aapؐ ke qiyam-e-mishk-e-naab ko
Basi hai Jabl-e-Noor par, Hira main aapؐ ki mehak, abhi talak
براق والے دل نشین دلربا کی کاش پھر سے دید ہو
بچھے ہوئے ہیں فرش کہکشاؤں کے فلک فلک،ابھی تلک
Buraq wale dil-nasheen dilruba ki kaash phir se deed ho
Bichhe huwe hain farsh kehkashaoon ke falak falak, abhi talak
پڑھا تھا ایک بار ہی درُودِ پاک صدقِ قلب و رُوح سے
فرشتے کر رہے ہیں میرا تذکرہ سرِ فلک،ابھی تلک
Pada tha aik baar hi darood-e-paak sidq-e-qalb o ruh se
Farishtay kar rahe hain mera tazkira sir-e-falak, abhi talak
ہوا تھا اشکبار دو گھڑی کو جالیوں کے پاس با ادب
تنی ہے سر پہ رنگ و نورِ لطف کی حسیں دھنک،ابھی تلک
Hua tha ashkbar do ghari ko jaalion ke paas baa adab
Tani hai sar pe rang o noor-e-lutf ki haseen dhanak, abhi talak
جہان بھر کے راستے دل و دماغ کے ورق سے مٹ گئے
بھلا نہ پائے شہر مصطفیٰؐ کی اندروں سڑک،ابھی تلک
Jahan bhar ke raste dil o dimaagh ke warq se mit gaye
Bhala na paaye shehar-e-Mustafaؐ ki androoon sarak, abhi talak
درخت جس کو اذنِ حاضری عطا کیا تھا آپؐ نے کبھی
خوشی سے جھومتی ہیں اُس کی ڈالیاں لہک لہک،ابھی تلک
Darakht jisko izn-e-haazri ata kiya tha aapؐ ne kabhi
Khushi se jhoomti hain us ki daaliyaan lahak lahak, abhi talak
مجھے بھی جلوہ گاہِ مصطفیٰؐ کی حاضری کا اِذن ہو عطا
صدائیں دے رہاہے یاکریم ؐ،دل دھڑک دھڑک،ابھی تلک
Mujhe bhi jalwagah-e-Mustafaؐ ki haazri ka izn ho ata
Sadaayein de raha hai Ya Kareemؐ, dil dhadak dhadak, abhi talak
کروڑوں جلوہ گاہِ مصطفیٰؐ سے ہو کے جا چکے ہیں باادب
تڑپ رہے ہیں بہرِ حاضری کروڑ ہا ملک،ابھی تلک
Karoron jalwagah-e-Mustafaؐ se ho ke ja chuke hain baa adab
Tadap rahe hain bahar-e-haazri karor ha mulk, abhi talak
Share This Naat
Share with friends and family
نہ ختم ہو سکی ہمارے دل سے
اشفاق احمد غوری