جن کے سینے میں ہے اکرام علی اکبر کا
ذکر کرتے ہیں وہ ہر شام علی اکبر کا
Jin ke seenay mein hai ikram Ali Akbar ka
Zikr karte hain wo har shaam Ali Akbar ka
ان کو بخشی ہے شہادت نے حیاتِ ابدی
رونقِ خلد ہے انعام علی اکبر کا
Un ko bakhshi hai shahadat ne hayaat-e-abdi
Ronak-e-khuld hai inaam Ali Akbar ka
کربلا جائیں گے سادات کی خوشبو لینے
جن میں ضو بار ہے اک نام علی اکبر کا
Karbala jaayein ge sadat ki khushbu lainay
Jin mein zou bar hai ek naam Ali Akbar ka
روشنی کیا ہے یہ اندازہ بھی ہو جائے گا
دامنِ نور ذرا تھام علی اکبر کا
Roshni kya hai ye andaza bhi ho jaaye ga
Daman-e-noor zara thaam Ali Akbar ka
نقدِ جاں پیش کیا دینِ محمد کے لئے
قابلِ رشک ہے یہ کام علی اکبر کا
Naqd-e-jaan paish kiya deen-e-Muhammad ke liye
Qabil-e-reshk hai ye kaam Ali Akbar ka
دل کو سرشار کئے دیتا ہے الفت کا وفور
نام جب لیتا ہوں گلفام علی اکبر کا
Dil ko sarshar kiya deta hai ulfat ka wifor
Naam jab leta hoon gulfam Ali Akbar ka
میرے ہمراہ چلے سرخ گلابوں کا ہجوم
ساتھ مل جائے جو دو گام علی اکبر کا
Mere humrah chale surkh gulabon ka hujum
Saath mil jaaye jo do gaam Ali Akbar ka
Share This Naat
Share with friends and family
جن کے سینے میں ہے اکرام علی اکبر کا
اشفاق احمد غوری