درونِ کعبہ ہوا ہے لوگو ظہور جس کا علی علی ہے
جو آنکھ کھولی تو سب سے پہلے نبیؐ کو دیکھا علی علی ہے
daroon-e-Kaaba hua hai logo zahoor jis ka Ali Ali hai
jo aankh kholi to sab se pehle Nabiؐ ko dekha Ali Ali hai
ہے شہرِ علمِ نبیؐ کا رستہ درِ علی سے جو ہو کے گزرے
تبھی تو علمِ نبیؐ کے پیاسوں کے لب پہ نعرہ علی علی ہے
hai shahr-e-ilm-e-Nabiؐ ka rasta dar-e-Ali se jo ho ke guzre
tabhi to ilm-e-Nabiؐ ke pyason ke lab pe naara Ali Ali hai
نبیؐ نے حیدرؓ کا ہاتھ تھامے غدیرِ خم پر جو کہہ دیا تھا
کہ جس بھی مومن کا میں ہوں مولا، اسی کا مولا علی علی ہے
Nabiؐ ne Haidarؓ ka haath thaame Ghadir-e-Khum par jo keh diya tha
ke jis bhi momin ka main hoon Moula, usi ka Moula Ali Ali hai
وہ رات ہجرت کی پُر خطر تھی کہ ہر طرف تھا عدو کا پہرا
اجل کی آنکھوں میں آنکھ ڈالے سکوں سے لیٹا علی علی ہے
woh raat hijrat ki pur khatar thi ke har taraf tha adu ka pehra
ajal ki aankhon mein aankh daale sukoon se leeta Ali Ali hai
نظامِ فطرت بدل گیا تھا جو عصر ان کی قضا ہوئی تھی
کہ جن کی خاطر وہ ڈوبا سورج پلٹ کے آیا علی علی ہے
nizam-e-fitrati badal gaya tha jo asr unki qaza hui thi
ke jin ki khatir woh dooba suraj palat ke aaya Ali Ali hai
ہر اک صحابی کو دوسرے کا بنایا بھائی مرے نبیؐ نے
تو دو جہاں میں اگر کسی کو اخی بنایا علی علی ہے
har ek sahabi ko dosray ka banaya bhai mere Nabiؐ ne
to do jahan mein agar kisi ko akhi banaya Ali Ali hai
نہ توڑ پایا تھا جس کو لشکر جہاں نے دیکھا وہ بابِ خیبر
وہ ایک پنجے کے زور سے ہی اکھاڑ پھینکا علی علی ہے
na todh paaya tha jis ko lashkar jahan ne dekha woh bab-e-Khyber
woh ek panje ke zor se hi ukhaar phenka Ali Ali hai
غرور و نخوت میں ڈوبا مرحب جو آگیا تھا ترے مقابل
وہ جس نے اس پُر غرور کا سب غرور توڑا علی علی ہے
ghuroor o nakhwat mein dooba Marhab jo aagaya tha tere muqabil
woh jis ne is pur ghuroor ka sab ghuroor toda Ali Ali hai
مرا تعارف بھی عبدِوُد ہے سو میں لڑوں گا فقط علی سے
چڑھے جو سینے پہ اس کے حیدرؓ سمجھ میں آیا علی علی ہے
mera ta'aruf bhi abd-e-Wudd hai so main laroon ga faqat Ali se
charhay jo seene pe us ke Haidarؓ samajh mein aaya Ali Ali hai
مراتب ان کے جلیل اپنی سمجھ میں آئیں تو کیسے آئیں
نبیٔ رحمت کی شفقتوں نے جنہیں ہے پالا علی علی ہے
maratib unke jaleel apni samajh mein aayein to kaise aayein
Nabi-e-Rehmat ki shafqaton ne jinhe hai paala Ali Ali hai
Share This Naat
Share with friends and family
درونِ کعبہ ہوا ہے لوگو ظہور
حافظ عبدالجلیل