Manqabat
جو تیرا طِفْل ہے کامل ہے یا غوث
جو تیرا طِفْل ہے کامل ہے یا غوث
طُفَیْلی کا لَقب واصل ہے یا غوث
Jo tera tifl hai kaamil hai ya ghaous
Tufaili ka laqab waasil hai ya ghaous
تَصَوُّف تیرے مَکتب کا سبق ہے
تَصَرُّف پر تِرا عامل ہے یاغوث
Tasawwuf tere maktab ka sabaq hai
Tasarruf par tura aamil hai ya ghaous
تِری سَیر اِلَی ﷲ ہی ہے فِی ﷲ
کہ گھر سے چلتے ہی مُوصِل ہے یا غوث
Tiri sair ila Allah hi hai fi Allah
Ke ghar se chalte hi mosil hai ya ghaous
تو نورِ اوّل و آخر ہے مولیٰ
تو خیرِ عاجل و آجِل ہے یا غوث
Tu noor-e-awwal o aakhir hai maula
Tu khair-e-aajil o aajil hai ya ghaous
مَلک کے کچھ بَشر کچھ جنّ کے ہیں پیر
تو شیخِ عالی و سافِل ہے یا غوث
Malak ke kuch bashar kuch jinn ke hain peer
Tu Shaikh-e-aali o saafil hai ya ghaous
کتابِ ہر دل آثار تَعَرُّف
تِرے دفتر ہی سے ناقِل ہے یا غوث
Kitaab-e-har dil asaar-e-taraaruf
Tire daftar hi se naaqil hai ya ghaous
فُتوح الغیب اگر روشن نہ فرمائے
فتوحات و فُصوص آفِل ہے یا غوث
Futoh-ul-ghaib agar roshan na farmaaye
Futuhat o fusus aafil hai ya ghaous
تِرا مَنْسُوب ہے مَرفُوع اس جا
اِضافت رَفع کی عامل ہے یا غوث
Tira mansub hai marfu is ja
Izaafat rafa ki aamil hai ya ghaous
تِرے کامی مشقت سے بَری ہیں
کہ بَرتر نَصب سے فاعل ہے یا غوث
Tire kaami mushakkat se bari hain
Ke bartar nasab se faa'il hai ya ghaous
اَحد سے احمد اور احمد سے تجھ کو
کُن اور سب کُن مَکُن حاصل ہے یا غوث
Ahad se Ahmed aur Ahmed se tujh ko
Kun aur sab kun makun hasil hai ya ghaous
تِری عزت تِری رِفعت تِرا فضل
بِفضلہ افضل و فاضل ہے یا غوث
Tiri izzat tiri rifat tira fazal
Bifazl-e-Afzal o fazil hai ya ghaous
تِرے جلوے کے آگے مِنْطَقَہ سے
مَہ و خور پر خط باطل ہے یا غوث
Tire jalwe ke aage min-tiqah se
Maah o khor par khat-e-batil hai ya ghaous
سیاہی مائل اس کی چاندنی آئی
قمر کا یوں فلک مائل ہے یا غوث
Siyahi ma'il is ki chaandni aayi
Qamar ka yun falak ma'il hai ya ghaous
طِلائے مِہر ہے ٹکسال باہر
کہ خارِج مَرکز حامِل ہے یا غوث
Tilaaye-mihr hai taksaal baahar
Ke khaarij markaz haamil hai ya ghaous
تو بَرزَخ ہے بَرَنگِ نونِ مِنَّت
دو جانب متَّصِل واصِل ہے یا غوث
Tu barzakh hai barang-e-noon-e-minnat
Do jaanib muttasal waasil hai ya ghaous
نبی سے آخِذ اور اُمّت پہ فائض
اُدھر قابِل اِدھر فاعل ہے یا غوث
Nabi se aakhez aur ummat pe faaiz
Udhar qabil idhar faa'il hai ya ghaous
نتیجہ حَدِّ اَوْسَط گر کے دے اور
یہاں جب تک کہ تو شامل ہے یا غوث
Nateejah had-e-ausat gar ke de aur
Yahan jab tak ke tu shaamil hai ya ghaous
اَلَا طُوْبٰی لَکُمْ ہے وہ کہ جن کا
شَبانہ روز وِرْدِ دل ہے یا غوث
Alaa tooba lakum hai wo ke jin ka
Shabana roz wird-e-dil hai ya ghaous
عَجم کیسا عرب حِلّ کیا حَرم میں
جمی ہر جا تِری محفل ہے یا غوث
Ajam kaisa arab hil kya haram mein
Jami har ja tiri mehfil hai ya ghaous
ہے شرحِ اسمِ اَلْـقَادِر ترا نام
یہ شرح اس مَتن کی حامل ہے یا غوث
Hai sharh-e-ism-e-alqaadir tera naam
Ye sharh is matn ki haamil hai ya ghaous
جَبِیْنِ جُبَّہ فَرسائی کا صَنْدَل
تِری دیوار کی کَہگِل ہے یا غوث
Jabeen-e-jubbah farasaai ka sandal
Tiri deewar ki kehgill hai ya ghaous
بجا لایا وہ اَمرِ سَارِعُوْا کو
تِری جانب جو مُسْتَعْجِل ہے یا غوث
Baja laaya woh amr-e-saari'oo ko
Tiri jaanib jo musta'ajil hai ya ghaous
تِری قدرت تو فِطریات سے ہے
کہ قادِر نام میں داخل ہے یا غوث
Tiri qudrat to fitriyaat se hai
Ke qaadir naam mein daakhil hai ya ghaous
تَصَرُّف والے سب مَظْہَر ہیں تیرے
تو ہی اس پردے میں فاعل ہے یا غوث
Tasarruf waale sab mazhhar hain tere
Tu hi is parde mein faa'il hai ya ghaous
رضاؔ کے کام اور رک جائیں حاشا
تِرا سائل ہے تو باذِل ہے یا غوث
Raza ke kaam aur ruk jaayein haasha
Tira saail hai tu baazil hai ya ghaous
Share This Naat
Share with friends and family
جو تیرا طِفْل ہے کامل ہے یا غوث
احمد رضا خان بریلوی