زمیں سے تا بہ فلک ہر طرف صدائے حسن
بُلند و برتر و بالا ہُوا ، لِوائے حسن
Zameen se taa bah falak har taraf sadaay-e-husan
Buland o bartar o baala huwa, liway-e-husan
ازل سے میرے مقدّر میں ہے وِلائے حسن
رہے گی سایہ فگن تا ابد رِدائے حسن
Azal se mere muqaddar mein hai wilay-e-husan
Rahegi saya fagan taa abad riday-e-husan
وہ ذاتِ پاک ہے ابنِ علی و سِبطِ نبیؐ
مِری نگاہ کا سُرمہ ہے خاکِ پائے حسن
Woh zhat-e-pak hai ibn-e-Ali o sib't-e-Nabi (ﷺ)
Meri nigah ka surma hai khaak-e-paye-husan
خدا کا شکر، مِرے دل کی زیب و زینت ہے
جمالِ مصطفویؐ، رُوئے دل کُشائے حسن
Khuda ka shukar, mere dil ki zaib o zeenat hai
Jamal-e-Mustafa (ﷺ), rooye dil kashaay-e-husan
لبوں پہ زہرِ ہلاہل کا کوئی ذکر نہ تھا
اُٹھا جو درد جگر سے، تو مسکرائے حسن
Labon pe zehr-e-halahal ka koi zikr na tha
Utha jo dard jigar se, to muskuraay-e-husan
یہ حال ہے مِرے دل کا بہ فیضِ شاہِؐ ہدٰی
کبھی حسین پہ قُرباں، کبھی فدائے حسن
Yeh haal hai mere dil ka bah faiz-e-Shah-e-Huda (ﷺ)
Kabhi Hussain pe qurbaan, kabhi fiday-e-husan
ہو کیوں نہ منزل ِ جذب و سُلوک زیرِ قدم
کہ غوثِ پاک ہیں، اولادِ با صفائے حسن
Ho kyun na manzil-e-jazb o salook zair-e-qadam
Ke Ghous-e-Pak hain, olad-e-ba safaay-e-husan
نقیبِ امن و اماں کا لقب ہُوا ، سَیِّد
فساد و فتنہ مٹانا تھا مدّعائے حسن
Naqeeb-e-aman o amaan ka laqab huwa, Sayyid
Fasaad o fitna mitana tha madd'aay-e-husan
رہے خلیفہ پنجم وہ چھ مہینے تک
علی کے بعد حسن کو مِلی ، یہ جائے "حَسَن"
Rahe khalifa panjum woh chay maheenay tak
Ali ke baad Husan ko mili, yeh jaay "Hasan"
بنو اُمیّہ زَر و جاہ کے حریص اُدھر
اِدھر یہ حال ، کہ دُنیا تھی زیرِ پائے حسن
Banu Umayyah zar o jaah ke harees udhar
Idhar yeh haal, ke duniya thi zair-e-paye-husan
قبائے سبز، شہادت کی اک علامت تھی
شجر شجر کی زباں پر ہے ماجرائے حسن
Qabay sabz, shahadat ki ek alamat thi
Shajar shajar ki zabaan par hai maajraay-e-husan
غِنا و فقر، قدم بوس ہوگئے اُس کے
میسّر آئی جسے، دولتِ وِلائے حسن
Ghina o faqr, qadam bos ho gaye us ke
Meyassar aayi jise, daulat-e-wilay-e-husan
کسی بھی شے کی کمی ہے، نہ آرزو، نہ طلب
نصیرؔ ! فضلِ خدا سے ہُوں مَیں، گدائے حسن
Kisi bhi shay ki kami hai, na arzu, na talab
Naseer! fazl-e-Khuda se hoon main, gadaaye-e-husan
Share This Naat
Share with friends and family
زمیں سے تا بہ فلک ہر طرف صدائے حسن
سید نصیرالدیں نصیر