اکھّاں اگوّں آج اوہ اکھیاں دا تارا ٹر گیا
دل نوں چین آوے کویں دل دا سہارا ٹر گیا
Akh-yaan agoo-an aaj oh akhiyaan da tara tr gaya
Dil noon chain aave kivayn dil da sahara tr gaya
پوترا سرکارؐ دا محبوب غوثِ پاک دا
خواجۂ ہند الولی دے دل دا پارا ٹر گیا
Potra Sarkar (SAW) da Mehboob Ghaus-e-Pak da
Khwaja-e-Hind Alwali de dil da para tr gaya
لاڈلا خواجہ فرید الدّین نظام الدّین دا
گولڑے والے دی محفل دا ستارہ ٹر گیا
Ladla Khwaja Farid-ud-Din Nizam-ud-Din da
Golrhay walay di mehfil da sitara tr gaya
کون دیوے گا تسلّی ہُن دل بے چین نوں
ہُندا سی جس در توں ہر اک دا گزارا ٹر گیا
Kaun deve ga tasalli hun dil bechain noon
Hunda si jis dar toon har ak da guzara tr gaya
جس دی خاطر اکھیاں ترسن اوہ نظر اوندا نہیں
خبرے ساتھوں رُس کے دلدار پیارا ٹر گیا
Jis di khatar akhiyaan tarsan oh nazar onda nahi
Khabray sathon rus ke dildar pyara tr gaya
ساقیا آجا شرابی سہکدے نے دید نوں
فر آویں گا جدوں مے خوار سارا ٹر گیا
Saaki-aa aaja sharabi sahkde nay deed noon
Fir aaven ga jadon may khoar sara tr gaya
اعظؔم اُس دن توں نہ چنگی لگے چن دی روشنی
جہڑے دن توں یار دے رُخ دا نظارا ٹر گیا
Azam us din toon na changi lage chan di roshni
Jhray din toon yaar de rukh da nazara tr gaya
Share This Naat
Share with friends and family
اکھّاں اگوّں آج اوہ اکھیاں دا تارا ٹر گیا
محمد اعظم چشتی