تری نظروں سے نظروں کا ملانا بھی ہے بے اَدبی
تری سرکار میں پلکیں اُٹھانا بھی ہے بے اَدبی
Teri nazron se nazron ka milana bhi hai be adabi
Teri sarkar mein palken uthana bhi hai be adabi
فرشتے جن کی مٹی پر قدم رکھتے جھجکتے ہیں
مِرے جیسوں کا اُن گلیوں میں جانا بھی ہے بے اَدبی
Farishtay jin ki mitti par qadam rakhte jhijhakte hain
Mere jeson ka un galiyon mein jana bhi hai be adabi
وہ ناداں ہیں جو اُونچا بولتے ہیں تیری نگری میں
وہاں تو بے تکلّف مُسکرانا بھی ہے بے اَدبی
Woh nadan hain jo uncha bolte hain teri nagri mein
Wahan to be takalluf muskurana bhi hai be adabi
وہاں کی دھوپ میں ٹھنڈک ہے جنت کے مکانوں کی
وہاں کی دھوپ سے خود کو بچانا بھی ہے بے اَدبی
Wahan ki dhoop mein thandak hai jannat ke makanon ki
Wahan ki dhoop se khud ko bachana bhi hai be adabi
کنارے پر کھڑا رہنا علامت کم نگاہی کی
تری موجوں میں لیکن ڈوب جانا بھی ہے بے اَدبی
Kinare par khara rehna alamat kam nigahi ki
Teri maujon mein lekin doob jana bhi hai be adabi
وہاں جانے کی خواہش کا نہ ہونا بھی ہے گستاخی
وہاں پر جا کے انجؔم لوٹ آنا بھی ہے بے اَدبی
Wahan janay ki khwahish ka na hona bhi hai gustakhi
Wahan par ja ke Anjum loot aana bhi hai be adabi
Share This Naat
Share with friends and family
تری نظروں سے نظروں کا ملانا بھی ہے بے اَدبی
انجم نیازی