بخشش کا نور لائی ہے صبحِ جمالِ یار
شبنم میں جب نہائی ہے صبحِ جمالِ یار
Bakhshish ka noor layi hai subh-e-jamaal-e-yaar
Shabnam mein jab nahayi hai subh-e-jamaal-e-yaar
رخصت ہوئی خزانِ شبی از پئے ابد
’’کیسی بہار لائی ہے صبح جمال یار‘‘
Rukhsat hui khazan-e-shabi az pa-e-abad
"Kaisi bahar layi hai subh-e-jamaal-e-yaar"
ظلماتِ حشر ہوں کہ شبِ فرقت و الم
ہر دم تِری دہائی ہے صبحِ جمالِ یار !
Zulmaat-e-hashr hon keh shab-e-furqat o alam
Har dam teri dehai hai subh-e-jamaal-e-yaar !
بدلی سے چاند نکلا ہے ، تُو نے جو اِک ذرا
چہرے سے شب ہٹائی ہے صبحِ جمالِ یار !
Badli se chaand nikla hai, tu ne jo ik zara
Chehre se shab hatai hai subh-e-jamaal-e-yaar !
کیوں ربِّ ذُو الجلال کے زیرِ جلال ہوں
حصّے میں جن کے آئی ہے صبحِ جمالِ یار
Kyun Rabb-e-Zul-jalaal ke zair-e-jalaal hon
Hisse mein jin ke ayi hai subh-e-jamaal-e-yaar
تجھ پر وہ پیار آیا کہ رب نے بھی تیری شان
وَالفَجر" سے بتائی ہے صبحِ جمالِ یار!
Tujh par wo pyaar aya ke Rab ne bhi teri shaan
Wal-fajr" se batai hai subh-e-jamaal-e-yaar!
اپنا ہے کب یہ " صبح " کا نور و نشاط و حسن
سب تجھ سے مانگ لائی ہے صبح جمالِ یار!
Apna hai kab ye "subh" ka noor o nashat o husn
Sab tujh se maang layi hai subh-e-jamaal-e-yaar!
اشکوں کے کچھ چراغ سرِ شام جل اٹھے
دیدار کی دہائی ہے صبح جمالِ یار!
Ashkon ke kuch chiraagh sar-e-shaam jal uthay
Deedaar ki dehai hai subh-e-jamaal-e-yaar!
تب سے بندھی ہے نور سے ،جب سے صباح نے
تیری قسم اٹھائی ہے صبحِ جمالِ یار!
Tab se bandhi hai noor se, jab se sabah ne
Teri qasam uthai hai subh-e-jamaal-e-yaar!
جنّت میں شام کیوں ہو مُعّظمؔ کہ جب وہاں
جوبن پہ اپنے آئی ہے صبحِ جمالِ یار
Jannat mein shaam kyun ho Muazzamؔ ke jab wahan
Joban pe apne ayi hai subh-e-jamaal-e-yaar
Share This Naat
Share with friends and family
بخشش کا نور لائی ہے صبحِ جمالِ یار
معظم سدا معظم مدنی