ہر نظر پاک ہر سانس پاکیزہ تر
ہر نفس یاد طیبہ میں عنبر فشاں
Har nazar pak har saans pakeeza tar
Har nafas yaad teeba mein anbar fishaan
سر میں سودائے عشق دیار عرب
دل میں یاد شہنشاہ ؐ کون و مکاں
Sar mein soda-e ishq deyar Arab
Dil mein yaad shehnshah (SAW) kon o makaan
مستی شوق میں بھی ہے پیش نظر
جادہ شہر محبوب کا ہر نشاں
Masti shauq mein bhi hai paish nazar
Jada-e shehar-e mehboob ka har nishaan
کوہساروں کے بھی خم بہ خم سلسلے
ریگزاروں کی بھی وسعت بے کرا ں
Kohsaron ke bhi kham bah kham silsilay
Raygzaron ki bhi wusat be kran
سرسراتی ہواؤں کے بھی زمزمے
دل کشا وادیوں کی بھی خاموشیاں
Sarsarati hawaon ke bhi zamzmay
Dilkasha wadiyon ki bhi khamoshiyan
وہ مقدس مقامات روح الامیں
وہ مکرم نشانات رب جہاں
Wo muqaddas maqamat rooh-ul-ameen
Wo mukarram nishanaat rab-e jahan
ہر تصور میں انوار بیت الحرم
ہر تخیل میں یثرب کی رعنائیاں
Har tasawwur mein anwar bait-ul-haram
Har takhayul mein yathrab ki ranaiyan
وہ تجلی بد اماں مدینے کی شب
وہ حدود حرم میں سحر کی اذاں
Wo tajalli bad amman Madinay ki shab
Wo hudood-e haram mein seher ki azaan
بات میں دلکشی چال میں دلبری
آج بندوں پہ ہے قدسیوں کا گماں
Baat mein dilkashi chaal mein dilbari
Aaj bandoon pe hai qudsyon ka gumaan
رخ پہ تابندگی دل میں پاکیزگی
عزم میں پختگی ہر تمنا جواں
Rukh pe tabandagi dil mein pakeezgi
Azm mein pukhtagi har tamanna jawan
جرم و عصیاں کے احساس سے بھی حزیں
حاضری کی سعادت پہ بھی شادماں
Juram o isyan ke ehsaas se bhi hazine
Hazri ki sa'adat pe bhi shaadman
اللہ اللہ یہ ہنگام کیف آفریں
اے خوشا بخت یہ ساعت کامراں
Allah Allah ye hungaam-e kafe aafrayn
Aye khusha bakht ye sa'at kamran
آج ہے روح کونین بھی وجد میں
عشق ہے اپنی منزل کی جانب رواں
Aaj hai rooh-e konain bhi wajd mein
Ishq hai apni manzil ki janib rawaan
Share This Naat
Share with friends and family
ہر نظر پاک ہر سانس پاکیزہ تر
مظہر الدین مظہر