میں اندھیرے میں ہوں ‘ تنویر کہاں سے لاؤں
چشمِ بیدار کی تقدیر کہاں سے لاؤں
Main andhere mein hoon ' tanveer kahan se laoon
Chashm-e-bedaar ki taqdeer kahan se laoon
خواب میں روضہ ء اقدس کا نظارہ تو ہوا
لیکن اس خواب کی تعبیر کہاں سے لاؤں
Khawab mein roza-e-aqdas ka nazara to hua
Lekin us khwab ki tabeer kahan se laoon
کیسے سمجھاؤں تمہیں کیا تھے خدوخال حضورﷺ
پیکرِ نُور کی تصویر کہاں سے لاؤں
Kaise samjhaoon tumhain kya the khudokhaal Huzur (ﷺ)
Paikar-e-noor ki tasweer kahan se laoon
اسو ہء پاک محمد ﷺ کا بیاں کیسے کروں
روحِ قرآن کی تفسیر کہا ں سے لاؤں
Uswa-e-paak Muhammad (ﷺ) ka bayan kaise karoon
Rooh-e-Quran ki tafseer kahan se laoon
توڑ لاؤں میں ستارے بھی فلک سے لیکن
لوح محفوظ کی تحریر کہاں سے لاؤں
Tord lao'n main sitare bhi falak se lekin
Lauh-e-Mahfooz ki tehreer kahan se laoon
بحرِ ذخّار کو کوزے میں سمیٹوں کیسے
اتنا جامع فنِ تحریر کہاں سے لاؤں
Behr-e-zakhhar ko koze mein samitoon kaise
Itna jame tafann-e-tehreer kahan se laoon
میں نہ سعدیؔ ہوں ‘ نہ رومی ؔ ہوں ‘ نہ جامیؔ‘ نہ امیرؔ
!!اپنے لہجے میں وہ تاثیر کہاں سے لاؤں
Main na Saadi hoon, na Roomi hoon, na Jaami', na Ameer
!!Apne lehje mein wo taseer kahan se laoon
اپنے افکار کو پابندِ سخن کیسے کروں
میں خود قید ہوں ‘ زنجیر کہاں سے لاؤں
Apne afkar ko paband-e-sukhan kaise karoon
Main khud qaid hoon, zanjeer kahan se laoon
میری ہر نعت مِرا خونِ جگر ہے لیکن
نعتِ حسان کی توقیر کہاں سے لاؤں
Meri har naat mera khoon-e-jigar hai lekin
Naat-e-Hassan ki tauqeer kahan se laoon
نعت میری‘ مرے اشکوں کی زبانی سُن لو
اس سے بہتر لبِ تقریر کہاں سے لاؤں
Naat meri, mere ashkon ki zabani sun lo
Is se behtar lab-e-taqreer kahan se laoon
Share This Naat
Share with friends and family
میں اندھیرے میں ہوں ‘ تنویر کہاں سے لاؤں
پروفیسراقبال عظیم