اکھیاں دے بوہے کھلے نیں دل سیج وچھا کے بیٹھا اے
ہر کوئی وچہ اڈیکاں دے گھر بار سجا کے بیٹھا اے
Akhiyan de bohe khule ne dil sej vichha ke bitha ae
Har koi vichha adeekan de ghar bar saja ke bitha ae
سرکار دا رُتبہ جان دیاں۔ آئتاں بولن قرآن دیاں
رب قسم اٹھاوے اس تھاں دی۔ جتھے سوہنا آکے بیٹھا اے
Sarkar da rutba jaan diyan. Aayatan bolan Quran diyan
Rab kasam uthave us tha di. Jithe sohna aake bitha ae
رحمت دا خزینہ بنیا ایں۔ یثرب توں مدینہ بنیا ایں
محبوب خدا دا جس دن توں اوتھے ڈیرا لا کے بیٹھا اے
Rehmat da khazina baniya ean. Yathrib ton Madina baniya ean
Mehboob Khuda da jis din ton othe dera la ke bitha ae
کیہہ خبر ہووے انساناں نوں رب جانے اہدیاں شاناں نوں
جدھے قدماں وچہ جبریل امیں خود سیس نوا کے بیٹھا اے
Kih khabar hove insanan no Rab jane aehdiyan shanan no
Jithe kadman vich Jibreel Ameen khud sees nawa ke bitha ae
دن مک گئے راتاں مُک گیّاں زندگی دیا نبضاں رُک گیّاں
کیہہ ویلا سی جس ویلے اوہ عرشاں تے جا کے بیٹھا اے
Din muk gaye ratan muk gi-yan zindagi diyan nabzan ruk gi-yan
Kih wela si jis vele oh arshan te ja ke bitha ae
ہر وقت کرے آقا دی ثنا چنگا اے بخت ظہوریؔ دا
محبوب مدینے والے دی جہڑا نعت سنا کے بیٹھا اے
Har waqt kare aaqa di sana changa ae bakht Zahooriؔ da
Mehboob Madine wale di jera nat suna ke bitha ae
Share This Naat
Share with friends and family
اکھیاں دے بوہے کھلے نیں دل سیج وچھا کے بیٹھا اے
محمد علی ظہوری