یہ دھڑکنوں کی درود خوانی کوئی اشارہ ہے حاضری کا
صبا کی خوشبو بتا رہی ہے کہ پھر بلاوا ہے حاضری کا
Yeh dhadkanon ki darood khawani koi ishara hai hazri ka
Saba ki khushboo bata rahi hai keh phir bulawa hai hazri ka
مرے سفر میں ہو دیر شاید ابھی ہے کچھ انتظام باقی
مگر میں دل کو سنبھالوں کیسے کہ دل دوانہ ہے حاضری کا
Mere safar mein ho dair shayad abhi hai kuch intizam baqi
Magar mein dil ko sambhalun kaise keh dil diwana hai hazri ka
لگی ہیں ان کے کرم پہ آنکھیں وہ اذن دیں تو نصیب جاگیں
میں اپنی پلکوں پہ چل کے جاؤں یہی سلیقہ ہے حاضری کا
Lagi hain un ke karam pe aankhen woh izn dein to naseeb jaagein
Main apni palkon pe chal ke jaun yahi saleeqa hai hazri ka
وہ یاد آئی ہے ان کی بستی نظر میں چھائی ہے چاندنی سی
بدن میں خوشبو اتر گئی ہے خیال آیا ہے حاضری کا
Woh yaad aayi hai un ki basti nazar mein chhaai hai chandni si
Badan mein khushboo utar gayi hai khayal aaya hai hazri ka
چنوں میں پلکوں سےخارِ طیبہ ملوں گا چہرے پہ خاکِ انور
میں اڑ کے پہنچوں در ِ نبی پر کہ شوق جاگا ہے حاضری کا
Chunoon mein palkon se khar-e-tayba miloon ga chehre pe khak-e-anwar
Main urr ke pohnchun dar-e-Nabi par keh shauq jaga hai hazri ka
خموش لب ہیں نگاہیں نیچی ہر اک گدا کی ہے پھیلی جھولی
کرم کی برکھا برس رہی ہے عجب نظارا ہے حاضری کا
Khamosh lab hain nigahen neechi har ek gada ki hai phaili jholi
Karam ki barkha baras rahi hai ajab nazara hai hazri ka
ظفر گناہوں کا بار لے کر حضورِ رحمت مآب حاضر
زرِ شفاعت کی بھیک پائی عجیب ثمرہ ہے حاضری کا
Zafar gunahon ka baar le kar huzoor-e-rehmat maab hazir
Zar-e-shafaat ki bheek payi ajeeb samra hai hazri ka
Share This Naat
Share with friends and family
یہ دھڑکنوں کی درود خوانی کوئی اشارہ ہے حاضری کا
محمد ظفراقبال نوری