خوشبو ہمیں طیبہ کی سنگھانے کے لیے آ
اے بادِ صبا ہم کو جِلانے کے لیے آ
Khushboo hamein Taiba ki sanghane ke liye aa
Ae baad-e-saba hum ko jilanen ke liye aa
دو حصوں میں تقسیم ہوا حکمِ نبی پر
اے چاند وہ شق سینہ دکھانے کے لیے آ
Do hisson mein taqseem hua hukm-e-nabi par
Ae chaand woh shaq seena dikhane ke liye aa
آقا کے اشارے پہ جو ڈوبا ہوا پلٹا
اے مہر ہمیں حال سنانے کے لیے آ
Aaqa ke ishare pe jo dooba hua palta
Ae mehr humein haal sunane ke liye aa
ہجرِ قدمِ ناز میں تو رویا تھا اک دن
اے استنِ حنّانہ ہنسانے کے لیے آ
Hijr-e-qadam-e-naaz mein tu roya tha ek din
Ae istan-e-Hannana hansane ke liye aa
اسریٰ میں بنا حضرتِ احمد کی سواری
برّاق، وہ کیا تھا یہ بتانے کے لیے آ
Isra mein bana Hazrat-e-Ahmed ki sawari
Burraq, woh kya tha yeh batane ke liye aa
نقشِ قدمِ پاک کو سینے میں جگہ دی
اے سنگ ہمیں موم بنانے کے لیے آ
Naqsh-e-qadam-e-paak ko seene mein jagah di
Ae sang humein mom banane ke liye aa
کیا ہوگا مرا حال جو سرکار یہ کہہ دیں
نظمی ہمیں کچھ نعتیں سنانے کے لیے آ
Kya hoga mera haal jo sarkar yeh keh dein
Nazmi humein kuch naatein sunane ke liye aa
Share This Naat
Share with friends and family
خوشبو ہمیں طیبہ کی سنگھانے کے لیے آ
سید آل رسول حسنین میاں برکاتی نظمی