نعت کے پہلو سے اک نعت نکل آئی ہے
یعنی اک نعت نئی ساتھ نکل آئی ہے
Naat ke pehlu se ek naat nikal aayi hai
yaani ek naat nai saath nikal aayi hai
ظلمتِ جہل سے نکلا ہے ہدایت کا سراج
یوں نئی صورتِ حالات نکل آئی ہے
zulmat-e-jahl se nikla hai hidayat ka siraaj
yun nai soorat-e-haalaat nikal aayi hai
آسماں دکھ جو دکھانے ہیں دکھا ، دیکھ مگر
ان کے الطاف کی بارات نکل آئی ہے
aasman dukh jo dikhaane hain dikha, dekh magar
un ke altaaf ki baraat nikal aayi hai
تپتے صحرائے عرب تیرے فنا زاروں میں
میرے آقاؐ کی کرم ذات نکل آئی ہے
tapte sehra-e-Arab tere fana zaroon mein
mere aaqa ﷺ ki karam zaat nikal aayi hai
’’کن‘‘ کے فرمان سے محبوبِ خدا کی صورت
غایتِ ارض و سماوات نکل آئی ہے
"Kun" ke farmaan se Mehboob-e-Khuda ki soorat
ghaayat-e-arz-o-samaavaat nikal aayi hai
لہجۂ ناطقِ قرآن کے صدقے طاہرؔ
صورتِ سورت و آیات نکل آئی ہے
lehja-e-naatiq-e-Quran ke sadqe Tahir
soorat-e-soorat-o-ayyaat nikal aayi hai
Share This Naat
Share with friends and family
نعت کے پہلو سے اک نعت نکل آئی ہے
پروفیسر محمد طاہر صدیقی