جانبِ عرش ہے حضرتؐ کا سفر آج کی رات
ایک ہی بُرج میں ہیں شمس و قمر آج کی رات
Janib-e-‘arsh hai Hazrat (SAW) ka safar aaj ki raat
Ek hi burj mein hain shams o qamar aaj ki raat
جشنِ معراجِ نبیؐ کی ہے خبر آج کی رات
عرش پر فرش سے پہنچا ہے بشر آج کی رات
Jashn-e-me’raj-e-Nabi (SAW) ki hai khabar aaj ki raat
‘Arsh par farsh se pohancha hai bashar aaj ki raat
جلوۂ حُسنِ محمدؐ کی ضیا باری سے
بن گئی مطلعِ انوارِ سحر آج کی رات
Jalwa-e-husn-e-Muhammad (SAW) ki zia bari se
Ban gayi matla’-e-anwaar-e-sehar aaj ki raat
آب ہے چشمۂ حیواں کے ہر اک ذرّے میں
آئیں دیکھیں یہ کرشمہ بھی خِضَرؑ آج کی رات
Aab hai chashma-e-hivan ke har ek zarre mein
Aain dekhein yeh karishma bhi Khizar (AS) aaj ki raat
نُور ہی نُور کی برسات نظر آتی ہے
دیکھتی ہے نگہِ شوق جدھر آج کی رات
Noor hi noor ki barsaat nazar aati hai
Dekhti hai nigah-e-shauq jidhar aaj ki raat
عرشِ اعظم پہ شہنشاہِؐ عرب کا ہے گزر
ذکرِ محبوبِؐ خدا میں ہو بسر آج کی رات
‘Arsh-e-a‘zam pe shahenshah-e-‘arab ka hai guzar
Zikr-e-mahboob-e-Khuda (SAW) mein ho basar aaj ki raat
آج ہے خالق کونین، کرم آمادہ
بالیقیں ہوگا دعاؤں میں اثر آج کی رات
Aaj hai Khalik-e-kainat, karam amadah
Ba la yaqin hoga dua’awon mein asar aaj ki raat
منزلِ عرشِ عُلیٰ پر ہی رُکے گا جاکر
کرکے ہے نکلا ہے کوئی عزمِ سفر آج کی رات
Manzil-e-‘arsh-e-‘ula par hi rukay ga jaakar
Karke hai nikla hai koi azm-e-safar aaj ki raat
میرے آقاؐ نے وہاں سے سفر آغاز کیا
جہاں جبریلؑ کے جلنے لگے پَر، آج کی رات
Mere aqa (SAW) ne wahan se safar aaghaz kiya
Jahan Jibra‘il (AS) ke jalne lage par, aaj ki raat
ہم نصیرؔ اپنے نبیؐ پر دل و جاں سے قرباں
عام ہے اُن کی شفاعت کی خبر آج کی رات
Hum Nasir apne Nabi (SAW) par dil o jaan se qurban
Aam hai un ki shafaat ki khabar aaj ki raat
Share This Naat
Share with friends and family
(بحوالہ معراج)جانبِ عرش ہے حضرتؐ کا سفر آج کی رات
سید نصیرالدیں نصیر