خدا کا وہ آخری پیمبر
کھڑا ہے فاراں کی چوٹیوں پر
Khuda ka woh aakhri paighambar
Khara hai Faraan ki chotiyon par
جو دین اسلام لے کے آیا
خدا کا پیغام لے کے آیا
Jo deen-e-Islam le ke aaya
Khuda ka paighaam le ke aaya
نگاہ سب کی ہے جس کی جانب
جو اھل مکہ سے ہے مخاطب
Nigah sab ki hai jis ki jaanib
Jo ahl-e-Makkah se hai mukhatib
تمھاری نظروں کے سامنے ہے
تمام لوگوں کے سامنے ہے
Tumhaari nazron ke saamne hai
Tamaam logon ke saamne hai
مِرا ہر اِک لمحہ زندگی کا
کبھی دُکھایا ہے دل کسی کا؟
Mera har ik lamha zindagi ka
Kabhi dukhaya hai dil kisi ka?
کہو کبھی میں نے جھوٹ بولا
کبھی خیانت کا زھر گھولا
Kaho kabhi maine jhoot bola?
Kabhi khiyanat ka zehr ghola?
تو سب پکارے نہیں محمد ﷺ
کہ تم ہو صادق امیں محمد ﷺ
To sab pukarein: "Nahi Muhammad ﷺ"
"Ke tum ho Sadiq, Ameen Muhammad ﷺ"
کہا یہ پھر شاہِ دوسرا نے
نبی بنایا مجھے خدانے
Kaha yeh phir shaah-e-doosra ne
"Nabi banaya mujhe Khuda ne"
اُسی کی دیتا ہوں میں شہادت
یہ جان لو لائق عبادت
Ussi ki deta hoon main shahadat
Yeh jaan lo laaiq-e-ibaadat
کوئی خدا کے سوا نہیں ہے
یہ بُت یہ پتھر خدا نہیں ہے
Koi Khuda ke siwa nahi hai
Yeh butt, yeh pathar Khuda nahi hai
سنا جو اعلانِ مصطفائی
سماعت کفر تلملائی
Suna jo elaan-e-Mustafai
Sama’at-e-kufr talmalai
ابھی جو تائید کر رہے تھے
حضور کا دم جو بھر رہے تھے
Abhi jo taa’eed kar rahe the
Huzoor ka dum jo bhar rahe the
بھڑک اُٹھے حق کی بات سن کر
پہاڑ سے سب نے سنگ چُن کر
Bharak uthe Haq ki baat sunkar
Pahaad se sab ne sang chun kar
محمد مصطفیٰ کو مارے
ستم نے پتھر وفا کو مارے
Muhammad Mustafa ko maare
Sitam ne pathar, wafa ko maare
لہو میں اپنے نہاتے آقا
رہی دعا گو صدائے آقا
Lahoo mein apne nahaate Aaqa
Rahi dua go sadaaye Aaqa
وہی صدا دُور دُور پہنچی
براہِ تحت الشعور پہنچی
Wohi sada door door pohanchi
Biraah-e-taht-ush-shu’oor pohanchi
اُسی صدا سے وُہ نور پھوٹا
نصیب جہل و غرور پھوٹا
Ussi sada se woh noor phoota
Naseeb-e-jahl o ghuroor phoota
اسی صدا سے ضمیر چمکے
جلے اسی سے دیے حرم کے
Ussi sada se zameer chamke
Jale usi se diye Haram ke
وہی صدا علم کا مدینہ
رہِ عمل اِرتقا کا زینہ
Wohi sada ilm ka Madina
Raah-e-amal irtiqa ka zeena
تمام قرآں وہی صدا ہے
عروجِ انساں وہی صدا ہے
Tamaam Qur’an wohi sada hai
Urooj-e-insaan wohi sada hai
زمانہ رہ جائے تم سے پیچھے
چلے چلو اُس صدا کے پیچھے
Zamana reh jaaye tum se peeche
Chale chalo uss sada ke peeche
Share This Naat
Share with friends and family
خدا کا وہ آخری پیمبر
مظفر وارثی