کونین میں ہے سیـدِ ابرار کی رونق
سرکار کے ہونے سے ہے سنسار کی رونق
Konain mein hai sayyid-e-abrar ki ronaq
Sarkar ke hone se hai sansar ki ronaq
جگمگ ہیں فلک پر جو قمر اور ستارے
بخشی ہے انہیں آپ نے انوار کی رونق
Jagmag hain falak par jo qamar aur sitare
Bakhshi hai inhen aap ne anwar ki ronaq
کس درجہ حسیں کوئے نبی کے ہیں نظارے
ہے دل کا سکوں گنبد و مینار کی رونق
Kis darja haseen koye nabi ke hain nazare
Hai dil ka sukoon gunbad o minar ki ronaq
وہ جالی سنہری وہ حسیں منبر و محراب
کرنوں سے مزین در و دیوار کی رونق
Woh jali sunehri woh haseen mimbar o mehrab
Kiranon se muzayyan dar o deewar ki ronaq
ہر وقت دُرودوں کی سلاموں کی صدائیں
منگتوں سے بھرے کوچۂ سرکار کی رونق
Har waqt durodon ki salamoon ki sadaen
Mangton se bhare koocha-e-sarkar ki ronaq
دیکھی نہیں دنیا کے کسی باغ میں اے ناز
دیکھی ہے مدینے کے جو گلزار کی رونق
Dekhi nahi duniya ke kisi bagh mein aye naaz
Dekhi hai madine ke jo gulzar ki ronaq
Share This Naat
Share with friends and family
کونین میں ہے سیـدِ ابرار کی رونق
صفیہ ناز