یارسولَ اللہ! مجرم حاضِرِ دربار ہے
نیکیاں پلّے نہیں سر پر گُنہ کا بار ہے
ya rasool Allah! mujrim haazir-e darbaar hai
nekiyaan pallay nahi sar par gunah ka baar hai
نامۂ اعمال میں کوئی نہیں حُسنِ عمل
پاس دولت نیکیوں کی کچھ نہیں نادار ہے
naama-e aamaal mein koi nahi husn-e amal
paas daulat nekiyon ki kuch nahi nadaar hai
تم شہِ ابرار یہ سب سے بڑا عِصیاں شِعار
یوں شَفاعت کا یِہی سب سے بڑا حقدار ہے
tum sha-e abraar yeh sab se bara isyaan shiaar
yun shafaat ka yehi sab se bara haqdar hai
کردو مالا مال آقا دولتِ اَخلاق سے
خُلق کی دولت سے یہ محروم و بدگُفتار ہے
kardo maala maal aaqa daulat-e akhlaaq se
khulq ki daulat se ye mehroom o badguftaar hai
اِس کی آنکھیں پاک کر کے جلوۂ زَیبا دکھا
ایک مدّت سے یہ تیرا طالبِ دیدار ہے
is ki aankhen paak kar ke jalwa-e zaybaa dikha
ek maddat se ye tera taalib-e deedaar hai
گنبدِ خَضرا پہ آقا جاں مِری قربان ہو
میری دیرینہ یہی حسرت شہِ اَبرار ہے
gunbad-e khazraa pe aqqa jaan meri qurbaan ho
meri derina yehi hasrat sha-e abraar hai
مسکراتے آؤ آقا آکے کلمہ بھی پڑھاؤ
ہو کرم شاہِ مدینہ! جاں بلب بیمار ہے
muskuratay aao aaqa aake kalma bhi padhaao
ho karam sha-e madina! jaan balab beemaar hai
آفتوں نے گھیر رکھا ہے شہا ہر سمت سے
مُلتجی چشمِ کرم کا بیکس و ناچار ہے
aafaton ne gher rakha hai shahaa har simt se
multaji chashm-e karam ka be-kas o naachaar hai
جو ترے در پر جھکا وہ سر بُلندی پاگیا
جو اکڑ کررہ گیا بے شک ذلیل وخوار ہے
jo tere dar par jhuka woh sar bulandi paa gaya
jo akad kar reh gaya beshak zaleel o khwaar hai
دشمنوں کے ظلم حد سے بھی تجاوُز کر گئے
آپ سے فریاد مولیٰ حیدرِ کرّار ہے
dushmanon ke zulm had se bhi tajawuz kar gaye
aap se faryaad molaa haidar-e karraar hai
قلبِ مُضطَر چشمِ تر سوزِ جگر سینہ تَپاں
طالبِ آہ و فُغاں جانِ جہاں عطارؔ ہے
qalb-e muzdar chashm-e tar soz-e jigar seenah tapa
taalib-e aah o fughaan jaan-e jahaan attar hai
سب گنہگار اِک طرف عطارؔ اکیلا اک طرف
مجرموں میں منتخب مجرِم یِہی عطارؔ ہے
sab gunahgaar ik taraf attar akela ek taraf
mujrimon mein muntakhab mujrim yehi attar hai
Share This Naat
Share with friends and family
یارسولَ اللہ! مجرم حاضِرِ دربار ہے
الیاس عطار قادری