ترا لُطف جس کو چاہے اُسے ضَوفشاں بنا دے
جو بکھر رہے ہیں ذرّے اُنہیں کہکشاں بنا دے
Tera lutf jis ko chahe use zaufashaan bana de
Jo bikhar rahe hain zarre unhe kehkashaan bana de
جو تری رضا ہو مولا تو بہار ہی نہ جائے
جو کھِلے ہُوئے چمن ہیں اُنہیں بے خزاں بنا دے
Jo teri raza ho maula to bahaar hi na jaye
Jo khile hue chaman hain unhe be khazaan bana de
مُجھے روشنی عطا کر مُجھے آگہی عطا کر
مِرے دِل کو دِل بنا دے مِری جاں کو جاں بنا دے
Mujhe roshni ata kar, mujhe aagahi ata kar
Mire dil ko dil bana de, meri jaan ko jaan bana de
مَیں ہُوں رزق پستیوں کا، مُجھے سرفراز کر دے
مَیں زمینِ مُبتذل ہُوں، مُجھے آسماں بنا دے
Main hun raazq pastiyon ka, mujhe sarfaraz kar de
Main zameen-e-mubtazal hun, mujhe aasmaan bana de
مَیں غبارِ نیستی ہُوں، تو نگاہِ مرحمت سے
مُجھے بے پناہ کردے، مُجھے بے کراں بنا دے
Main ghubaar-e-nasiti hun, tu nigah-e-marhamat se
Mujhe bepanah kar de, mujhe beqaraan bana de
مَیں ہُوں دشت دشت رسوا، کڑی دھوپ کا سفر ہے
تُو کرم کے بادلوں کو مِرا سائباں بنا دے
Main hun dasht dasht ruswa, kadi dhoop ka safar hai
Tu karam ke badalon ko mera saiban bana de
جو عمل ہو مُجھ سے صادر، تو وہ خیر کا عمل ہو
جو عمل کی برکتیں ہوں، انہیں جاوداں بنا دے
Jo amal ho mujh se sadar, to woh khair ka amal ho
Jo amal ki barkatein hon, unhe javedaan bana de
شبِ تیرہ کے جگر سے تُو سحر اُبھارتا ہے
مِرا جہل دُور کر دے، مُجھے نکتہ داں بنا دے
Shab-e-teerah ke jigar se tu sahar ubhaarta hai
Mera jahl door kar de, mujhe nukta daan bana de
ترے اختیار میں ہیں سبھی حُسن کے خزانے
مُجھے خوش خیال کر دے، مجھے خوش بیاں بنا دے
Tere ikhtiyar mein hain sabhi husn ke khazane
Mujhe khush khayal kar de, mujhe khush bayaan bana de
Share This Naat
Share with friends and family
ترا لُطف جس کو چاہے اُسے ضَوفشاں بنا دے
عاصی کرنالی