میرے مالک اے خدائے ذوالجلال
لا شریک و بے نظیر و بے مثال
Mere Maalik Ae Khudae Zuljalal
La Shareek o Be Nazeer o Be Misaal
تیری رحمت ہے محیطِ دو جہاں
سر خرو تجھ سے ہر اک دستِ سوال
Teri Rehmat Hai Muheet-e-Do Jahan
Sar Khuru Tujh Se Har Ik Dast-e-Sawaal
اوَّل و آخر ترا نورِ قدیم ،
ظاہر و باطن ہے تیرا ہی جمال
Awwal o Aakhri Tera Noor-e-Qadeem,
Zaahir o Baatin Hai Tera Hi Jamaal
تُو جسے چاہے اسے بخشے دوام
ہے فنا سب کیلئے تو لازوال
Tu Jise Chahe Usey Bakshe Dawaam
Hai Fana Sab Keliye Tu La-Zawwal
فضل ہو جائے جو تیرا دستگیر
ذرہ ناچیز ہو بدرِ کمال
Fazal Ho Jaye Jo Tera Dastgir
Zarra Na-Chiz Ho Badr-e-Kamaal
بڑھتی ہیں جس وقت نا امید یاں
آسرا دیتا ہے بس تیرا خیال
Barhti Hain Jab Waqt Na Umeediyan
Aasra Deta Hai Bas Tera Khayaal
اور ھر سطوت کی قسمت ہے فنا
ہے دوامی تیرا ہی جاہ و جلال
Aur Har Satwat Ki Qismat Hai Fana
Hai Dawaami Tera Hi Jaah o Jalal
بندگی بن جائے خالدؔ کا شعار
حال بن جائے مرا ہر قیل و قال
Bandagi Ban Jaye Khalid ka Shiaar
Haala Ban Jaye Mera Har Qeel o Qaal
Share This Naat
Share with friends and family
میرے مالک اے خدائے ذوالجلال
خالد محمود خالد