یہ نوازشیں یہ عنایتیں غمِ دوجہاں سے چھڑا دیا
غمِ مصطفٰؐے ترا شکر یہ مجھے مرنا جینا سکھا دیا
Yeh nawazisheN yeh inayatain gham-e-dojahaan se chhuda diya
Gham-e-Mustafaؐ tera shukr yeh mujhe marna jeena sikha diya
وہ خدا ہے جس کا خیال بھی مری ہر پہنچ سے بلند ہے
وہ نبی کا حسن و جمال ہے کہ خدا کا جس نے پتہ دیا
Woh Khuda hai jiska khayal bhi meri har pahunch se buland hai
Woh Nabi ka husn o jamal hai ke Khuda ka jis ne pata diya
مرا سوز لذتِ زندگی مرے اشک میری بہار ہیں
یہ کرم ہے عشقِ رسولؐ کا مجھے درد نے بھی مزادیا
Mera soz lazat-e-zindagi mere ashk meri bahar haiN
Yeh karam hai ishq-e-Rasoolؐ ka mujhe dard ne bhi maza diya
کہاں میں کہاں تری آرزو کہاں میں کہاں تری جستجو
تو قریب تھا تو قریب ہے ،جو حجاب تھا وہ اٹھا دیا
Kahan main kahan teri aarzoo kahan main kahan teri justuju
Tu qareeb tha tu qareeb hai, jo hijab tha woh utha diya
تو کریم کتنا عظیم ہے تو رؤف ہے تو رحیم ہے
کوئی بھیک مانگنے آگیا تو ضرورتوں سے سوِا دیا
Tu Kareem kitna azeem hai, tu Ra'uf hai tu Rahim hai
Koi bheek maangne aa gaya tu zaruratoN se siwa diya
جو ملال میرا ملال تھا تمہیں اس کا کتنا خیال تھا
کہ اجڑ گیا تھا دیارِ دل اسے تم نے آکے بسادیا
Jo malaal mera malaal tha tumhein us ka kitna khayal tha
Ke ujarr gaya tha diyar-e-dil ise tum ne aa ke basa diya
وہ نگاہ کتنی حسین تھی جو تجلیوں کی امین تھی ،
کہ جہاں پہ حُسنِ بلال کا نیا نقش جس نے جما دیا
Woh nigah kitni haseen thi jo tajaliyoon ki ameen thi,
Ke jahan pe husn-e-Bilal ka naya naqsh jis ne jama diya
میں ہوں اپنے حال میں مطمئن میں کسی کو کیسے بتاؤں گا
یہ معاملات ہیں راز کے مجھے ان کے عشق نے کیا دیا
Main hoon apne haal mein mutma'in main kisi ko kaise bataunga
Yeh muaamalat haiN raaz ke mujhe un ke ishq ne kya diya
کرے ذکر و فکر سے زندگی بہر اعتبار ہے بندگی
یہ کرم ہے مری نگاہ میں مرا اعتبار بڑھادیا
Kare zikar o fikr se zindagi ba her aitbaar hai bandagi
Yeh karam hai meri nigah mein mera aitbaar barha diya
وہ گھڑی بھی آئے کہ خواب میں وہ دکھائیں اپنی تجلیاں
میں کہوں کہ آج حضورؐ نے مرا بختِ خفتہ جگا دیا
Woh ghari bhi aaye ke khwab mein woh dikhayein apni tajaliyaN
Main kahoon ke aaj Huzoorؐ ne mera bakht-e-khifta jaga diya
یہ تمہارا خالدِؔ بینوا ہے سرور و کیف کا واسطہ
اسے ڈھونڈنے لگے میکدے اسے کیسا جام پلا دیا
Yeh tumhara Khalidؔ-e-binwa hai saroor o kaif ka waasta
Ise dhoondhne lage maikade ise kaisa jaam pila diya
Share This Naat
Share with friends and family
یہ نوازشیں یہ عنایتیں غمِ دوجہاں سے چھڑا دیا
خالد محمود خالد