غمِ دنیا سے فارغ زند گی محسوس ہوتی ہے
محمدؐ کی یہ بندہ پروری محسوس ہوتی ہے
Gham-e-dunya se farigh zindagi mehsoos hoti hai
Muhammadؐ ki ye banda parwari mehsoos hoti hai
مرے سرکارؐ کی نسبت کا یہ فیضان تو دیکھو
مری مستی مجھے اب سرمدی محسوس ہوتی ہے
Mere sarkarؐ ki nisbat ka ye faizaan to dekho
Meri masti mujhe ab sarmadi mehsoos hoti hai
غمِ عشقِ نبیؐ کی ان بہاروں کو خدا رکھے
مجھے جنت بد اماں زندگی محسوس ہوتی ہے
Gham-e-ishq-e-nabiؐ ki in baharon ko Khuda rakhe
Mujhe jannat bad aman zindagi mehsoos hoti hai
جمالِ گنبدِ خضریٰ سے جب بھی لَو لگاتا ہوں
مجھے تاریکیوں میں روشنی محسوس ہوتی ہے
Jamal-e-gumbad-e-khazra se jab bhi lo lagata hoon
Mujhe tarikiyon mein roshni mehsoos hoti hai
محبت میں اگر ہو پختگی ایمان کامل ہو
تو پھر سرکارؐ سے وابستگی محسوس ہوتی ہے
Muhabbat mein agar ho pukhtagi eemaan kaamil ho
To phir sarkarؐ se wabastagi mehsoos hoti hai
درود ان پر سلام ان پر وہ جب بھی یاد آتے ہیں
یہ ہستی کیف میں ڈوبی ہوئی محسوس ہوتی ہے
Durood un par salaam un par woh jab bhi yaad aate hain
Ye hasti kaif mein doobi hui mehsoos hoti hai
چھپا لیتے ہیں سر کارِؐ مدینہ اپنے دامن میں
خطاؤں پر اگر شر مندگی محسوس ہوتی ہے
Chhupa lete hain sar kar-e-madinaؐ apne daaman mein
Khataon par agar sharmandgi mehsoos hoti hai
جو موجِ زندگی منسوب ہے سرکارؐ کے در سے
مجھے تو بندگی ہی بندگی محسوس ہوتی ہے
Jo mauj-e-zindagi mansub hai sarkarؐ ke dar se
Mujhe to bandagi hi bandagi mehsoos hoti hai
بھلا کیا کم ہے یہ اکرام یادِ سرورِ دیں کا
مدینے میں مسلسل حاضری محسوس ہوتی ہے
Bhala kya kam hai ye ikraam yaad-e-sarwar-e-deen ka
Madine mein musalsal haazri mehsoos hoti hai
جنہیں دنیا نے ٹھکرا یا وہ پلتے ہیں مدینے میں
یہ ایسی بات ہے جو واقعی محسوس ہوتی ہے
Jinhe duniya ne thukra ya woh palte hain madine mein
Ye aisi baat hai jo waqai mehsoos hoti hai
کہاں تاخیر ہوتی ہے کرم میں انکی جانب سے
مرے سوزِ محبت میں کمی محسوس ہوتی ہے
Kahan taakhir hoti hai karam mein unki jaanib se
Mere soz-e-muhabbat mein kami mehsoos hoti hai
نبیؐ کا نام بھی کیا نام ہے صلِّ علیٰ خالدؔ
دو عالم میں اسی کی روشنی محسوس ہوتی ہے
Nabiؐ ka naam bhi kya naam hai Salli ala Khalidؔ
Do aalam mein isi ki roshni mehsoos hoti hai
Share This Naat
Share with friends and family
غمِ دنیا سے فارغ زند گی محسوس ہوتی ہے
خالد محمود خالد