ہمیشہ قریۂ اُمّی لقب میں رہتے ہیں
جہاں کہیں بھی ہوں حدِ ادب میں رہتے ہیں
Hamesha qarya-e-ummi laqab mein rehte hain
Jahan kahin bhi hon had-e-adab mein rehte hain
ازل کے دن سے ہیں تیرے غلام ابنِ غلام
غرورِ نسبت و فخرِ نسب میں رہتے ہیں
Azal ke din se hain tere ghulam ibn-e-ghulam
Gharor-e-nisbat o fakhr-e-nasab mein rehte hain
سوادِ روح میں صلِ علیٰ کی خوشبو ہے
ثنا کے حرف جو دامانِ لب میں رہتے ہیں
Sawad-e-rooh mein sal-e-ala ki khushboo hai
Sana ke harf jo daaman-e-lab mein rehte hain
گدازِ نعت، بشر دوستی سکھاتا ہے
ہر ایک شخص سے ملتے ہیں سب میں رہتے ہیں
Gudaaz-e-naat, bashar dosti sikhata hai
Har aik shakhs se milte hain sab mein rehte hain
نوازتا ہے وہ شہریت اپنے قریہ کی
عجم نژاد، دیارِ عرب میں رہتے ہیں
Nawazta hai woh shahriyat apne qarya ki
Ajam nizaad, dayar-e-arab mein rehte hain
ریاض ان کو ہی ملتا ہے حاضری کا شرف
جو ان کی یاد، جو ان کی طلب میں رہتے ہیں
Riyaz unko hi milta hai hazri ka sharaf
Jo un ki yaad, jo un ki talab mein rehte hain
Share This Naat
Share with friends and family
ہمیشہ قریۂ اُمّی لقب میں رہتے ہیں
ریاض مجید