رحمتِ کل جہاں ہیں رحمتِ کل
شاہِ کون و مکاں ہیں سطوتِ کل
Rahmat-e-kul jahan hain rahmat-e-kul
Shah-e-kon o makan hain sotoat-e-kul
وہ شفاعت کریں گے محشر میں
ان کی مرضی پہ ہے شفاعتِ کل
Wo shafaat karen ge mahshar mein
Un ki marzi pe hai shafaat-e-kul
وہ جو سلطانِ انبیا ٹھہرے
ہے انہی کے لئے امامتِ کل
Wo jo sultan-e-ambia thehray
Hai inhi ke liye imamat-e-kul
سب سے عالی نسب مرے آقا
ان کی گھٹی میں ہے شرافتِ کل
Sab se aali nasab mere aaqa
Un ki ghutti mein hai sharaft-e-kul
زندگی ان کی ہے کتابِ ھدیٰ
نطقِ عالی ہوا بلاغتِ کل
Zindagi un ki hai kitab-e-huda
Nutq-e-aali hua balaghat-e-kul
آگے سدرا سے ہے سفر جن کا
سو انہی کے لئے ہے رفعتِ کل
Aage sidra se hai safar jin ka
So inhi ke liye hai rifat-e-kul
ہو گیا دیں حضور پر کامل
اور انہی پر تمام نعمتِ کل
Ho gaya deen huzoor par kamil
Aur inhi par tamam naimat-e-kul
جنکے حسنین وارثِ جنت
ان کو بخشی گئی سیادتِ کل
Jinke Hasnain waris-e-jannat
Un ko bakhshi gayi sayadat-e-kul
ساریہ نے سنی صدائے عمر
بخش دی آپ نے سماعتِ کل
Sariyah ne suni sada-e-Umar
Bakhsh di aap ne samaat-e-kul
وہ ہیں تسکینِ دل جلیل ان کا
نامِ نامی ہوا ہے راحتِ کل
Wo hain taskeen-e-dil jaleel un ka
Naam-e-nami hua hai rahat-e-kul
Share This Naat
Share with friends and family
رحمتِ کل جہاں ہیں رحمتِ کل
حافظ عبدالجلیل