سوئے ہوئے زخموں کو جگا کیوں نہیں دیتے
اے اہلِ وفا دادِ جفا کیوں نہیں دیتے
Soy hwe zakhmon ko jaga kyoon nahi dete
Ae ahal-e-wafa dad-e-jafa kyoon nahi dete
پیغامِ مساوات سُنا کیوں نہیں دیتے
یہ فرق من و تُو کا مٹا کیوں نہیں دیتے
Pegham-e-masawat suna kyoon nahi dete
Ye farq man-o-tu ka mita kyoon nahi dete
دیوار کا یہ عذرسناجائے گا کب تک
دیوار اگر ہے تو گرا کیوں نہیں دیتے
Dewar ka ye uzr suna jaye ga kab tak
Dewar agar hai to gira kyoon nahi dete
فرزانوں کو جینے کا سلیقہ نہیں آتا
آدابِ جنوں ان کو سکھا کیوں نہیں دیتے
Farzanon ko jeene ka saleeqah nahi ata
Adab-e-junoon un ko sikha kyoon nahi dete
تم کو نہیں معلوم تو تاریخ سے پوچھو
تم کون ہو دنیا کو بتا کیوں نہیں دیتے
Tum ko nahi maloom to tareekh se poocho
Tum kon ho duniya ko bata kyoon nahi dete
توبہ کا یہی وقت ہے کیا سوچ رہے ہو
سجدے میں جبینوں کو جھکا کیوں نہیں دیتے
Tauba ka yehi waqt hai kya soch rahe ho
Sajday mein jabinon ko jhuka kyoon nahi dete
کمزور سہاروں کا کوئی ٹھیک نہیں ہے
تم ہادئ برحق کو صدا کیوں نہیں دیتے
Kamzor saharon ka koi theek nahi hai
Tum hadee bar-haq ko sada kyoon nahi dete
Share This Naat
Share with friends and family
سوئے ہوئے زخموں کو جگا کیوں نہیں دیتے
پروفیسراقبال عظیم