پر کرے گا کون رُوحوں کے خلا یا مصؐطفےٰ
تیری چشمِ لطف و رحمت کے سوا یا مصؐطفےٰ
Par kare ga kon ruhon ke khala ya Muṣtafay (ﷺ)
Teri chashm-e-lutf o reḥmat ke siwa ya Muṣtafay (ﷺ)
کٹ کے ہم رستے سے تیرے جس قدر آگے بڑھے
جسم و جاں کا فاصلہ بڑھتا گیا یا مصؐطفےٰ
Kat ke hum raste se tere jis qadr aage badhay
Jism o jaan ka fasla baṛhta gaya ya Muṣtafay (ﷺ)
مال و منصب ، مکر وفن ٹھہرے ہیں معیارِ شرف
مِٹ رہا ہے جذبہ مہر و وفا یا مصؐطفےٰ
Mal o mansab, makr o fan thahray hain miyaar e sharaf
Mit raha hai jazba mehr o wafa ya Muṣtafay (ﷺ)
خیر کشیوں کے جہاں میں اُکھڑے اُکھڑے ہیں قدم
یوں ہے برگشتہ زمانےکی ہوا یا مصؐطفےٰ
Khair kashiyon ke jahan mein ukhray ukhray hain qadam
Yun hai bargashta zamaanay ki hawa ya Muṣtafay (ﷺ)
دوڑتا ہے میری آنکھوں کی طرف دِل کا لہوُ
دیکھ کر ہر گام پر خونِ حیا یا مصؐطفےٰ
Daorrta hai meri aankhon ki taraf dil ka lahoo
Dekh kar har gaam par khoon e haya ya Muṣtafay (ﷺ)
زیر دستوں پر مظالم ، حق پرستوں کا مذاق
کیا نہیں دیکھا بنامِ ارتقا یا مصؐطفےٰ
Zair daston par mzaalim, haq praston ka mazaq
Kya nahi dekha banam e irtqa ya Muṣtafay (ﷺ)
مَیں نے شہر آشوب لکھا ہے بہ امّیدِ کرم
اب تو شہر افروز دیکھوں مصؐطفےٰ یا مصؐطفےٰ
Main ne shehr aashob likha hai bah ummeed e karam
Ab to shehr afroz dekhu Muṣtafay (ﷺ) ya Muṣtafay (ﷺ)
دہر میں پھر اہلِ دیں کو سرفرازی ہو نصیب
لوٹ آئے دور عدل و خیر کا یا مصؐطفےٰ
Dahr mein phir ahl e deen ko sarfarazi ho naseeb
Laut aaye dor e adl o khair ka ya Muṣtafay (ﷺ)
Share This Naat
Share with friends and family
پر کرے گا کون رُوحوں کے خلا یا مصؐطفےٰ
حفیظ تائب