جیہڑے کر دے حضور دا میلاد رہن گے
گھر اوہناں دے ہمیشہ ای آباد رہن گے
Jihre kar de Huzoor da Milaad rehn ge
Ghar ohna de hamesha i aabad rehn ge
روضہ ویکھیا حضور ﷺ دا سُرور آگیا
اوہدے در دے نظارے سدا یاد رہن گے
Roza waikhya Huzoor ﷺ da surur aagya
Ohde dar de nazare sada yaad rehn ge
میرے سوہنے نوں وسیلہ جنہاں من لیا اے
پوندے رب کولوں دلاں دی مراد رہن گے
Mere sohne nu waseela jinha man liya ae
Ponde Rab kolon dilan di muraad rehn ge
جنہاں جشن میلاد کیتا نبی پاک ﷺ تیرا
غماں ساریاں توں سدا اوہ آزاد رہن گے
Jinna jashan-e-milaad kita Nabi Paak ﷺ tera
Ghaman saariyan ton sada oh azaad rehn ge
جیہڑے من دے نے حامی سوہنے نبی پاک نوں
آقا اوس تائیں دیندے امداد رہن گے
Jihre man de ne haami sohne Nabi Paak nu
Aaqa os taain dende imdaad rehn ge
جنہاں گھراں وچ محفل درود ہووے گی
دسّو کیویں اوہناں گھراں چ فساد رہن گے
Jinna gharan vich mehfil-e-darood howe gi
Dasso kiwen ohna gharan ch fasaad rehn ge
صائم چھڈ کے جہان بھانویں چلا جاواں گا
میرے شعر لیندے عاشقاں توں داد رہن گے
Sa'im chhad ke jahan bhanwen chala jawan ga
Mere shair lende aashqan ton daad rehn ge
Share This Naat
Share with friends and family
جیہڑے کر دے حضور دا میلاد رہن گے
علامہ صائم چشتی