عشق کی منزل عشق کا رہبر عشق کا عنواں کون ؟ محمد
ہادئ و رہبر داورِ محشر عظمتِ انساں کون ؟ محمد
Ishq ki manzil ishq ka rahbar ishq ka unvaan kaun? Muhammad
Haadi aur rehbar dawar-e-mahshar azmat-e-insaan kaun? Muhammad
عرش پہ پہنچا اپنے رب کا بن کر مہماں کون ؟ محمد
فرش پہ اُمت کے غم میں ہے دیدۂ گریاں کون ؟ محمد
Arsh pe pohanchaa apne Rab ka ban kar mehmaan kaun? Muhammad
Farsh pe ummat ke gham mein hai deedah-e-giryaaN kaun? Muhammad
علم و عطا وہ ، راہِ ہدیٰ وہ ، مہرِ حرم وہ، ماہِ حرا وہ
روحِ دعا وہ ، صلِّ علیٰ وہ ، درد کا درماں کون ؟ محمد
Ilm o ata woh, raah-e-hidaayat woh, mehr-e-Haram woh, mah-e-Hira woh
Rooh-e-dua woh, sall-e-alaa woh, dard ka darmaan kaun? Muhammad
قبر کا منظر وہ تاریکی جس میں ہاتھ کو ہاتھ نہ سوجھے
اس اندھیارے میں بھی کریں گے شمعِ فروزاں کون ؟ محمد
Qabar ka manzar woh taareeki jis mein haath ko haath na sujhe
Us andhiare mein bhi karenge shama-e-forozan kaun? Muhammad
بول سنہرے ، رنگ میں گہرے ، قلب میں ٹھہرے ، آنکھ میں تیرے
صوت و صدا وہ لحن و نوا وہ نغمۂ قرآں کون ؟ محمد
Bol sunahre, rang mein gehre, qalb mein thehre, aankh mein tere
Saut o sada woh lahn o nawa woh naghma-e-Quran kaun? Muhammad
کیا ماضی اور حال کی دنیا جو مستقبل میں بھی کرے گا
ہر انساں کی مشکل آساں ، ایسا انساں کون ؟ محمد
Kya maazi aur haal ki duniya jo mustaqbil mein bhi karega
Har insaan ki mushkil aasan, aisa insaan kaun? Muhammad
ہم نے ادیبؔ اتنا ہی کہہ کر طوفاں سے چھٹکارا پایا
جانتی ہے اے موجِ حوادث ، میرا نگہباں کون ؟ محمد
Hum ne Adeeb itna hi keh kar toofan se chutkara paaya
Jaanti hai ae mauj-e-hawaadis, mera nigehbaan kaun? Muhammad
Share This Naat
Share with friends and family
عشق کی منزل عشق کا رہبر
حضرت ادیب رائے پوری