صد شکر اتنا ظرف مری چشمِ تر میں ہے
دیکھے بغیر سارا مدینہ نظر میں ہے
Sad shukar itna zarf meri chashm-e-tar mei hai
Dekhay baghair saara madina nazar mei hai
پہلا سفر مدینے کا میں کیسے بھول جاؤں
سارا وجود میرا ابھی تک سفر میں ہے
Pehla safar madine ka mei kaise bhool jaoun
Saara wujood mera abhi tak safar mei hai
یاد دیارِ پاک ہے اب جزوِ زندگی
ہر منظرِ جمیل ابھی تک نظر میں ہے
Yaad dayar-e-paak hai ab jazu-e-zindagi
Har manzar-e-jameel abhi tak nazar mei hai
رہبر کا بارِ دوش‘ نہ احسانِ ہم سفر
کچھ ایسا اہتمام وہاں کے سفر میں ہے
Rehbar ka baar-e-dosh' na ehsaan-e-humsafar
Kuch aisa ehtemaam wahan ke safar mei hai
محوِ دل و دماغ ہوئیں ساری کلفتیں
کچھ ایسا کیف طیبہ کی شام و سحر میں ہے
Mahv-e-dil o dimaag huin sari kulfatein
Kuch aisa kaif tayyba ki shaam o sehar mei hai
کرتا ہے آفتاب بھی جھک کر اسے سلام
وہ حسنِ باوقار وہاں کی سحر میں ہے
Karta hai aftab bhi jhuk kar usay salaam
Wo husn-e-bawaqar wahan ki sehr mei hai
ہر ذرّہ راہِ طیبہ کا ہے روشنی بدوش
اور خضر کا خلوص بھی گردِ سفر میں ہے
Har zarrah raah-e-tayyba ka hai roshni badosh
Aur khizr ka khuloos bhi gard-e-safar mei hai
اقبؔال کا وسیلہء بخشش ہے بس وہی
اس کی بیاضِ نعت جو رختِ سفر میں ہے
Iqbal ka wazeela-e-bakhshish hai bas wahi
Us ki bayaz-e-naat jo rakht-e-safar mei hai
Share This Naat
Share with friends and family
صد شکر اتنا ظرف مری چشمِ تر میں ہے
پروفیسراقبال عظیم