ساری خلقت تری یا رب سبھی موسم تیرے
تو ہے خلاقِ دو عالم ہیں دو عالم تیرے
Saari khalqat teri ya Rab sabhi mausam tere
Tu hai khalaq-e-do aalam hain do aalam tere
بندگی اپنی شہِ دیں کی غلامی بخشی
یا خدا ہم پہ یہ احسان نہیں کم تیرے
Bandagi apni sheh-e-deen ki ghulami bakshee
Ya Khuda hum pe ye ehsaan nahin kam tere
باغِ گیتی کے سبھی برگ و ثمر لالہ و گل
یا خدا محو ہیں اذکار میں ہر دم تیرے
Bagh-e-giti ke sabhi barg o samar laala o gul
Ya Khuda mahv hain azkaar mein har dum tere
اپنی خوش بختی پہ یا رب نہ ہو کیوں ناز ہمیں
ہم ہیں ان کے جو ہیں تیرے تو ہوئے ہم تیرے
Apni khush bakhti pe ya Rab na ho kyu naaz humein
Hum hain un ke jo hain tere tu hue hum tere
قدسیِ عرش و اجنہ ہوں بنی آدم ہوں
ہیں ثنا خوان سبھی رحمتِ عالم تیرے
Qudsi-e-arsh o ajinnah hoon bani aadam hoon
Hain sana khwaan sabhi rehmat-e-aalam tere
تیری توصیف بیاں کرتے ہیں دونوں عالم
نام لیوا نہیں دنیا میں فقط ہم تیرے
Teri toseef bayaan karte hain dono aalam
Naam lewa nahin duniya mein faqat hum tere
ملکیت میں ہے تری نعمتِ دنیا آقا
نہرِ تسنیم، جناں کوثر و زم زم تیرے
Malkiyat mein hai teri naimat-e-duniya aaqa
Nehr-e-tasneem, janan kausar o zam zam tere
مندمل زخموں کو کرنا ہے تو چل شہرِ نبی
آب و گل طیبہ کے بن جائیں گے مرہم تیرے
Mandamil zakhmon ko karna hai to chal shehr-e-nabi
Aab o gil Tayba ke ban jaenge marham tere
رنج و غم حشر میں احسؔن تجھے کس بات کا جب
دور فرمائیں گے غم مرسلِ اعظم تیرے
Ranj o gham hashr mein Ahsan tujhe kis baat ka jab
Door farmaenge gham Mursil-e-azm tere
Share This Naat
Share with friends and family
ساری خلقت تری یا رب سبھی موسم تیرے
احسن اعظمی