سروں پہ غم کے تنے ہیں بادل،مُصیبتوں میں گِھرے ہوئے ہیں
نکالیں آقا ! ہمیں خُدارا کہ دلدلوں میں دھنسے ہوئے ہیں
Saron pe gham ke tane hain badal, musibatoun mein ghiray huay hain
Nikalen aaqa ! hamen Khudara ke daldalon mein dhansay huay hain
وہ پہنچے معراج میں جو اقصٰی ، وہاں کا منظربھی دیدنی ہے
کہ انبیا و رُسُل وہاں پر ، صفوں میں سارے کھڑے ہوئے ہیں
Woh pohnche Mairaj mein jo Aqsa, wahan ka manzar bhi deedni hai
Ke Ambiya o Rasool wahan par, safoun mein sare khare huay hain
بحورِ عصیاں کی تُند موجیں ، سفینے سب کے ڈبو رہی ہیں
حضور دیں گے اُنہیں سہارا، بھنور میں جو بھی پھنسے ہوئے ہیں
Bahoore isyan ki tund moujain, safeenay sab ke dibo rahi hain
Huzoor dein ge unhein sahara, bhanwar mein jo bhi phansay huay hain
دیارِ بطحا سے آنے والے ہر ایک زائر کا حال یہ ہے
پلٹ تو آئے وطن کو اپنے پہ دل وہیں پر لگے ہوئے ہیں
Diyaar-e-Batha se aanay walay har aik zaair ka haal ye hai
Palat to aaye watan ko apne pe dil wahin par lage huay hain
یہ ماہِ میلاد جوں ہی آیا ، زمانے بھر میں ہوا اُجالا
یہ اُن کی آمد کی ہے نشانی ، یہ بام و در جو سجے ہوئے ہیں
Ye maah-e-Milaad youn hi aaya, zamane bhar mein hua ujala
Ye un ki aamad ki hai nishani, ye baam o dar jo saje huay hain
وہاں پہ گزرے ہر ایک لمحے پہ ناز کرتے ہیں شاہِ دنیا
ہیں خوش مُقدّر فقیر اُن کے جو اُن کے در پر پڑے ہوئے ہیں
Wahan pe guzre har aik lamhe pe naaz karte hain Shah-e-Duniya
hain khush muqaddar faqeer un ke jo un ke dar par pare huay hain
اگرچہ ہم بے عمل ہیں لیکن، جلیل اُن کا کرم ہے ہم پر
کہ پتّھروں کے عذاب سے ہم اُنہی کے صدقے بچے ہوئے ہیں
Agarche hum be amal hain lekin, Jaleel un ka karam hai hum par
Ke pattharon ke azaab se hum unhi ke sadqe bachay huay hain
Share This Naat
Share with friends and family
سروں پہ غم کے تنے ہیں بادل
حافظ عبدالجلیل