مجھ کو دکھلا دے دیارِ شہِ بطحا یا رب
بخش دے مژدۂ دیدارِ مدینہ یا رب
Mujh ko dikhla de diyare Shahi Bat'ha ya Rab
Bakhsh de mujdah e deedare Madina ya Rab
تیرے محبوب کا دیتا ہوں وسیلہ یا رب
مسکنِ زیست بنا دے مرا طیبہ یا رب
Tere mahboob ka deta hoon waseela ya Rab
Maskan e zist bana de mera Tayba ya Rab
ہاں وہ دہلیز، وہ در، جس پہ کرم سے تیرے
آج بھی بٹتا ہے رحمت کا خزینہ یا رب
Haan wo dehleez, wo dar, jis pe karam se tere
Aaj bhi bat'ta hai rehmat ka khazeena ya Rab
جس جگہ رہتا ہے دن رات فرشتوں کا ہجوم
اپنے محبوب کا دکھلا دے وہ روضہ یا رب
Jis jagha rehta hai din raat farishton ka hujoom
Apne mahboob ka dikhla de wo roza ya Rab
لے کے کشکول جہاں پھرتے ہیں سلطان و گدا
سب سے ذیشان ہے جو مرقدِ اعلیٰ یا رب
Le ke kashkool jahan phirte hain sultan o gada
Sab se zeeshan hai jo marqad e a'ala ya Rab
خار بھی جس کے ہیں صد رشکِ گلِ باغِ ارم
جیتے جی دیکھ لو وہ وادیِ طیبہ یا رب
Khaar bhi jis ke hain sad rashk e gul e baagh e aram
Jeete jee dekh lo woh wadi e Tayba ya Rab
چشمِ بد کفر کی اٹھنے لگی سوئے طیبہ
دستِ صیہونی سے طیبہ کو بچانا یا رب
Chashm e bad kufr ki uthne lagi sooye Tayba
Dast e Siyyoni se Tayba ko bachana ya Rab
ہم ہیں عشاقِ نبیؐ اپنے نبیؐ کے صدقے
ہم کو رسوائی سے محشر میں بچانا یا رب
Hum hain aashiq e Nabi ﷺ apne Nabi ﷺ ke sadqe
Hum ko ruswayi se mahshar mein bachana ya Rab
آرزو اتنی ہے احسنؔ کی بنامِ عمرہ
جا کے دیکھے ترا گھر اور مدینہ یا رب
Aarzoo itni hai Ahsan ki banam e Umrah
Ja ke dekhe tera ghar aur Madina ya Rab
Share This Naat
Share with friends and family
مجھ کو دکھلا دے دیارِ شہِ بطحا یا رب
احسن اعظمی