آسماں سے ہو رہی ہیں بارشیں انوار کی
آمنہ کے گھر ہے آمد احمدِ مختار کی
Aasman se ho rahi hain barishen anwaar ki
Aamna ke ghar hai aamad Ahmad-e-Mukhtar ki
دیدنی ہوگی تمازت حشر کے بازار کی
انبیاء بھی راہ دیکھیں گے شہِ ابرار کی
Deedni hogi tamazat hashr ke bazaar ki
Anbiya bhi raah dekhen ge Shah-e-abrar ki
پہلے عادت کر درودِ پاک کی تکرار کی
پھر تمنا خواب میں کر شاہ کے دیدار کی
Pehle adat kar durood-e-paak ki takrar ki
Phir tamanna khwab mein kar Shah ke deedaar ki
آیتِ لا ترفعوا اصواتکم پر ہو عمل
زائرو ! یہ بارگاہِ ناز ہے سرکار کی
Aayat-e-la tarfa'u aswaatakum par ho amal
Zaairo! Yeh bargah-e-naaz hai sarkar ki
جب فرشتے قبر میں آئیں گے ہم سے پوچھنے
نعت ہم پڑھتے رہیں گے احمدِ مختار کی
Jab farishte qabr mein aayenge hum se poochhne
Naat hum parhte rahenge Ahmad-e-Mukhtar ki
ہاں ہماری دھڑکنوں سے مصطفےٰ ہیں با خبر
ہے انہیں اُس پار رہ کر بھی خبر اِس پار کی
Haan humari dhadkon se Mustafa hain ba khabar
Hai unhe us paar rehkar bhi khabar is paar ki
سب رضاوالےپڑھیں گےآپ پر لاکھوں سلام
ہوگی جب آمد سرِ محشر مِرے سرکار کی
Sab Razawale parhenge aap par lakho salaam
Hogi jab aamad sar-e-mahshar mire sarkar ki
آپ کے انوار سے روشن ہیں ارض و آسماں
آپ سے مہکی ہوئی ہے ہر کلی گلزار کی
Aap ke anwaar se roshan hain arz o aasman
Aap se mehkhi hui hai har kali gulzaar ki
جب بصارت میں کسی کی ہو کمی کا مسئلہ
خاک آنکھوں میں لگا لے وہ درِ سرکار کی
Jab basarat mein kisi ki ho kami ka masla
Khaak aankhon mein laga le woh dar-e-sarkar ki
دیکھ کر معراج کی شب آنا جانا شاہ کا
گُنگ ہے اب تک زباں بھی وقت کی رفتار کی
Dekh kar Me'raj ki shab aana jaana Shah ka
Goong hai ab tak zubaan bhi waqt ki raftaar ki
بات جب ہے ہو پزیرائی شفیقؔ ِ خستہ جاں
بارگاہِ مصطفےٰﷺ میں آپ کے اشعار کی
Baat jab hai ho pazeerai Shafiq-e-khasta jaan
Bargah-e-Mustafa ﷺ mein aap ke ashaar ki
Share This Naat
Share with friends and family
آسماں سے ہو رہی ہیں بارشیں انوار کی
شفیق ؔ رائے پوری