مصرعے سارے معرّا ہوں ، الگ سی لِکُّھوں
مدح سرکارِ دو عالم کی وہ عالی لکھوں
Misre saare ma'ra hoon, alag si likhun
Madh Sarkar-e-do aalam ki woh aali likhun
مالک الملک کی اَملاک کا مالک ہے وہی
آلِ داؤد کی کُل مِلک اسی کی لکھوں
Maalik ul mulk ki amlaak ka maalik hai wohi
Aal-e-Dawood ki kul milk isi ki likhun
وہ کہ اسرٰی کو ہوا سارے رسولوں کا امام
کُل عوالِم کا اسے مولا و ھادی لِکھوں
Woh ke Asra ko hua saare rasoolon ka Imam
Kul awa'lim ka usay maula o haadi likhun
عَلَّمَک سے ہے کُھلا علمِ محمد کا عُلو
علمِ آدم کو عطائے درِ عالی لِکھوں
'Allamaka se hai khula ilm-e-Muhammad ka 'ulu
Ilm-e-Adam ko ataye dar-e-aali likhun
ہے اسی گل کی مہک سارے گلوں کو حاصل
مہر اور ماہ کو اس مہ کا سوالی لکھوں
Hai isi gul ki mehak saare gulon ko haasil
Mehar aur maah ko us meh ka sawali likhun
ہے کمال اس میں ، اسی واسطے ٹھہرا ہے کمال
کُل کمالوں کی اسے اصلِ کمالی لکھوں
Hai kamaal is mein, isi wastay thehra hai kamaal
Kul kamaalon ki usay asl-e-kamaali likhun
اے مکرم وہ مداوا مرے ہر درد کا ہے
اس کی مداحی کو آلام کی ماحی لکھوں
Ae mukarram woh madawa mere har dard ka hai
Us ki madaai ko alaam ki maahi likhun
Share This Naat
Share with friends and family
مصرعے سارے معرّا ہوں ، الگ سی لِکُّھوں
معظم سدا معظم مدنی