سرکار مجھے اپنا پھر جلوہ دکھا دینا
بیمار محبت ہوں دامن کی ہوا دینا
Sarkar mujhe apna phir jalwa dikha dena
Bemar mohabbat hoon daman ki hawa dena
آقا کا کرم ہوگا تشریف اگر لائیں
اپنا تو ہے کام ان کی محفل کو سجا دینا
Aaqa ka karam hoga tashreef agar laayen
Apna to hai kaam un ki mehfil ko saja dena
اس رحمت عالم کا یہ شیوہ رحمت ہے
جو جان کا دشمن ہو اس کو بھی دُعا دینا
Is rehmat e alam ka ye shewa rehmat hai
Jo jaan ka dushman ho us ko bhi du'a dena
افسانہ غم دل کا دربار محمد میں
خاموش زباں رکھنا اشکوں سے سنا دینا
Afsana e gham dil ka darbaar e Muhammad mein
Khamosh zubaan rakhna ashko se suna dena
مجرم ہی سہی لیکن معلوم ہے یہ مجھ کو
رحمت کے منافی ہے مجرم کو سزا دینا
Mujrim hi sahi lekin maloom hai ye mujh ko
Rehmat ke mnaafi hai mujrim ko saza dena
سرکار دو عالم کی یہ شان سخاوت ہے
سائل کی طلب سے بھی خیرات سوا دینا
Sarkar e do aalam ki ye shaan e sakhaawat hai
Saa'il ki talab se bhi khairat sawa dena
ادنی سا ثنا خواں ہے یہ سرور عالم کا
یہ شعر نیازی کی تربت پر لکھا دینا
Adna sa sana khwaan hai ye sarwar e aalam ka
Ye sher Niazi ki turbat par likha dena
Share This Naat
Share with friends and family
سرکار مجھے اپنا پھر جلوہ دکھا دینا
عبدالستار نیازی