حَرم کے زائر صفا کے راہی منیٰ و عرفات کے مسافر
کہیں ہماری بھی گفتگُو تھی ، کوئی ہمارا بھی تذکرہ تھا؟
Haram ke zaair safa ke rahi mina aur arfaat ke musaafir
Kahin hamari bhi guftagu thi, koi hamara bhi tazkra tha?
قبُول کر کے درُود میرے ، پیام سُن کر ،سلام لے کر
حضُورؐ نے کچھ کہا تو ہوگا اگر کہا تھا تو کیا کہا تھا ؟
Qabool kar ke durood mere, paighaam sun kar, salaam le kar
Huzoor (ﷺ) ne kuch kaha to hoga agar kaha tha to kya kaha tha?
مزارِ اقدس کو جن سے دیکھا اب اُن نگاہوں سے مجھ کو دیکھو
وہ حشر دل میں اٹھاؤ میرے وہاں جو تم پر گزر رہا تھا
Mazaar-e-aqdas ko jin se dekha ab un nigahon se mujh ko dekho
Wo hashr dil mein uthao mere wahan jo tum par guzar raha tha
ہماری گمراہیوں کے قِصّے ہماری بدبختیوں کا عالم
حضورِ آقاؐ بیاں کیا تھا تو کِس طرح سے بیاں کیا تھا
Hamari gumraahiyon ke qisse hamari badbakhtiyon ka aalam
Huzoor-e-aqaa (ﷺ) bayan kya tha to kis tarah se bayan kya tha
ہمارے رونے کی بات کی تھی تو اشک آنکھوں میں تھے تمہارے ؟
ہماری آہوں کے تذکرے پر تمہارے دِل سے دھواں اُٹھا تھا؟
Hamare ronay ki baat ki thi to ashk aankhon mein thay tumhare?
Hamari aahon ke tazkray par tumhare dil se dhuwa utha tha?
وہ آہ اک بار پھر تو کھینچو جو دِل سے اُٹّھی تھی وقتِ گریہ
وہ سیلِ گریہ مُجھے دکھاؤ جو وقتِ رخصت رواں ہوا تھا
Wo aah ek baar phir to kheenchon jo dil se uthi thi waqt-e-girya
Wo sail-e-girya mujhe dikhao jo waqt-e-rukhsat rawan hua tha
مری طرف سے بہ چشمِ گریاں یہ بات تم نے کہی تو ہوگی
اُسے بھی تھی حاضری کی حسرت اُسے بھی رحمت کا آسرا تھا
Meri taraf se ba chashm-e-girya ye baat tum ne kahi to hogi
Use bhi thi haazri ki hasrat use bhi rehmat ka aasra tha
Share This Naat
Share with friends and family
حَرم کے زائر صفا کے راہی
حنیف اسعدی