نطر میں پھِر رہا ہے آستاں محبُوبِؐ برتر کا
ستارہ اَوج پر ہے آجکل اپنے مقدر کا
Nazar mein phir raha hai aastan mehboob-e-bartar ka
Sitara aoj par hai aajkal apne muqaddar ka
دلِ بیمار کو کب ہوش ہے اے جاں گُلِ تر کا
پسینہ چاہیئے اس جان کو اُس جسمِ اطہر کا
Dil-e-bemar ko kab hosh hai aye jaan gul-e-tar ka
Paseena chahiye is jaan ko us jism-e-athar ka
ہُوا ہے نام جب سے آپ کی زلفِ معنبر کا
نہیں اشعار تک ملتا حوالہ مشک و عنبر کا
Hua hai naam jab se aap ki zulfe ma’anbar ka
Nahi ashaar tak milta hawala mushk o anbar ka
گِلا تحصیلِ حاصل ہے مرے کِلک ِ نگوں سرکا
کہ خامہ چاہیئے توصیف کو جبریلؑ کے پر کا
Gila tahseel-e-hasil hai mere kilk-e-nagoon sar ka
Ke khama chahiye tauseef ko Jibreel ke par ka
بیاں اور وہ بھی ممدوحِ خُدا ، محبُوبِ داور کیا؟
ارے یہ حوصلہ انساں کا اور پھر مجھ سے کم تر کا ؟
Bayaan aur woh bhi mamdooh-e-Khuda, mehboob-e-dawar kya?
Arey yeh hausla insaan ka aur phir mujh se kamtar ka?
عجب کیا وہ اگر جلوہ دکھادیں رُوئے انور کا
بہر صُورت تعلق ہے عرض سے اس کے جوہر کا
Ajab kya woh agar jalwa dikha dein ru-e-anwar ka
Bahar surat talluq hai arz se uske johar ka
تمہاری ذاتِ اقدس ، محورِ اقلیمِ وحدت ہے
تمہارا نامِ نامی ہے نگینہ اس کے افسر کا
Tumhari zaat-e-aqdas, mehwer-e-aqleem-e-wahdat hai
Tumhara naam-e-naami hai nagina uske afsar ka
تمہاری دید سے بڑھ کر تمنّا کب کوئی کی ہے
مجھے پایا ہے کب جویا کِسی نے جوُئے کوثر کا
Tumhari deed se barh kar tamanna kab koi ki hai
Mujhe paaya hai kab joya kisi ne joo-e-kosar ka
مقامِ برزخِ کبریٰ عیاں ہوگا قیامت میں
نقابِ عبدیت جس دم رُخِ سرکارؐ سے سرکا
Maqam-e-barzakh-e-kubra ayaan hoga qiyamat mein
Niqab-e-abdiyat jis dam rukh-e-sarkar se sar ka
ہَو الاوّل ، ہوالآخر ، ہو الظاہر ، ہوالباطن
مٹایا عشق نے جھگڑا مقّدم اور مؤخر کا
Ho al-awwal, ho al-akhir, ho al-zahir, ho al-batin
Mitaya ishq ne jhagra maqadam aur moakhar ka
خُدا آباد رکھے اُن کے غم کو میرے سینے میں
کوئی نقشہ تو دیکھے آج اس آراستہ گھر کا
Khuda abad rakhe unke gham ko mere seene mein
Koi naqsha to dekhe aaj is aarasta ghar ka
مَیں ہوں منسُوب اُن کے دَر سے ، اُنکے آستانے سے
مجھے کیوں خوف ہو اعظؔم لحد کا ، روزِ محشر کا
Main hoon mansoob unke dar se, unke aastane se
Mujhe kyon khauf ho Aazim lahd ka, roz-e-mahshar ka
Share This Naat
Share with friends and family
نطر میں پھِر رہا ہے آستاں محبُوبِؐ برتر کا
محمد اعظم چشتی