گُذرا وہ جِدھر سے ہوئی وہ راہ گذر نُور
اُس نورِ مجسّم کی ہے ہر شام و سحر نُور
Guzra woh jidar se hui woh raah guzar noor
Us noor-e-mujassam ki hai har shaam o sehar noor
لب نُور دہاں نُور زباں نُور بیاں نُور
دِل نُور جگر نُور جبیں نُور نظر نُور
Lab noor dayhaan noor zubaan noor bayan noor
Dil noor jigar noor jabeen noor nazar noor
گیسُو کی ضیا نُور عمامہ کی چمک نُور
اس آیۂ رحمت کی ہے ہر زیر و زبر نُور
Gaisu ki ziya noor amaama ki chamak noor
Us aay-e-rahmat ki hai har zer o zabar noor
سر تا پہ قدم نُور عیَاں نُور نہاں نور
ہر سمت تری نُور اِدھر نور اُدھر نُور
Sar ta pa qadam noor aiyan noor nihaan noor
Har simt teri noor idhar noor udhar noor
کیونکر نہ ہوں زہرا و حُسین اور حَسن نُور
اس نخلِ رسالت کا ہے ہر برگ و ثمر نُور
Kyunkar na hon Zahra o Husain aur Hasan noor
Us nakhl-e-risalat ka hai har barg o samar noor
ممکن نہیں تا عرش ہر انساں کی رسائی
ہے خاک کا گھر خاک مگر نُور کا گھر نُور
Mumkin nahi ta arsh har insaan ki rasai
Hai khaak ka ghar khaak magar noor ka ghar noor
نسبت ہُوئی جس کو تری خاکِ کفِ پا سے
وہ شہر وہ کُوچہ وہ در و بام وُہ گھر نُور
Nisbat hui jis ko teri khaak-e-kaf-e-pa se
Woh shehar woh koocha woh dar o baam woh ghar noor
جس صُبح اُتارا گیا وہ چاند زمیں پر
وہ ماہ وہ دِن نُور وہ ساعت وہ سحر نُور
Jis subh utara gaya woh chaand zameen par
Woh maah woh din noor woh sa’at woh sehar noor
جس رُوئے منّور پہ ہو والفجر کی طلعت
بے جا نہیں گر اُس کو کہیں اہلِ نطر نُور
Jis roo’e-munawwar pe ho wal-fajr ki tal’at
Beja nahi gar us ko kahen ahl-e-nazar noor
اعظؔم کہاں دیکھا ہے مجھے یاد نہیں ہَے
رہتا ہَے شب و روز وُہی پیشِ نظر نُور
Aazim kahaan dekha hai mujhe yaad nahi hai
Rehta hai shab o roz wohi pesh-e-nazar noor
Share This Naat
Share with friends and family
گُذرا وہ جِدھر سے ہوئی وہ راہ گذر نُور
محمد اعظم چشتی