ہیں سرفراز حُبِ رسولِ خدا سے ہم
منسوب ہیں غلامیِ شاہِ ہدیٰ سے ہم
Hain sarfaraz hub-e Rasool-e Khuda se hum
Mansoob hain ghulami-e Shah-e Huda se hum
جب صدق دل سے لے لیا نامِ رسولِ پاکؐ
فورًا ہی دور ہوگئے رنج و بلا سے ہم
Jab sidq dil se le liya naam-e Rasool-e Pak ﷺ
Foran hi door hogaye ranj o bala se hum
اعمال سے تو لائقِ بخشش نہیں مگر
محشر میں لو لگائے ہیں شمس الضحیٰ سے ہم
Aamaal se to laaiq-e bakhshish nahin magar
Mahshar mein lo lagaye hain Shams-ud-Duha se hum
جب ہے وسیلہ سنتِ آدم تو پھر دعا
مانگیں نہ کیوں وسیلۂ خیر الوریٰؐ سے ہم
Jab hai waseela sunnat-e Adam to phir dua
Mangeen na kyun waseela-e Khair-ul-Wara ﷺ se hum
رستہ بھٹک نہ پاتا کبھی کاروانِ زیست
وابستہ رہتے آج بھی جو مصطفیٰؐ سے ہم
Rasta bhatak na pata kabhi karwan-e zeest
Wabasta rehte aaj bhi jo Mustafa ﷺ se hum
غیروں کے در پہ ناصیہ فرسائی کیوں نہ ہو
جب دور ہوگئے ہیں درِ مصطفیٰؐ سے ہم
Ghairon ke dar pe nasia furasai kyun na ho
Jab door hogaye hain dar-e Mustafa ﷺ se hum
پھر ہوں گے کامیاب اگر خود کو جوڑ لیں
حُبِ رسولِ پاکؐ سے، خوفِ خدا سے ہم
Phir honge kamiyab agar khud ko jod leen
Hub-e Rasool-e Pak ﷺ se, khauf-e Khuda se hum
وہ اور ہوں گے جن کو ہے شہرت کی آرزو
پڑھتے ہیں نعت جذبۂ عشق و وفا سے ہم
Woh aur honge jin ko hai shohrat ki aarzoo
Parhte hain naat jazba-e ishq o wafa se hum
اِک دن نصیب ہوگی مدینے کی حاضری
احسؔن امید رکھتے ہیں فضلِ خدا سے ہم
Ik din naseeb hogi Madine ki hazri
Ehsan umeed rakhte hain fazl-e Khuda se hum
Share This Naat
Share with friends and family
ہیں سرفراز حُبِ رسولِ خدا سے ہم
احسن اعظمی